នាយករដ្ឋមន្រ្តីអូស្រ្តាលីលោក Anthony Albanese ទទួលបានអាណត្តិទី ២នៅយប់ដ៏គ្រោះថ្នាក់មួយសម្រាប់គូប្រជែងអភិរក្សនិយមរបស់លោក ស្របពេលដែលក្រុមអ្នកបោះឆ្នោតជ្រើសរើសស្ថិរភាពនៃការផ្លាស់ប្តូរប្រឆាំងភាពចលាចលសកលលោកបង្កឡើងដោយប្រធានាធិបតីសហរដ្ឋអាមេរិកលោក Donald Trump ។

យោងតាមការស្ទង់បានឲ្យដឹងថា ជ័យជំនះរបស់លោក Albanese ធ្វើឲ្យរូបលោកក្លាយជានាយករដ្ឋមន្រ្តីលើកដំបូងរបស់អូស្រ្តាលី ឈ្នះការបោះឆ្នោតឡើងវិញ សម្រាប់រយៈពេល ២ទសវត្សរ៍ ហើយលោកនឹងចាប់ផ្តើមកាន់អំណាចអាណត្តិទី ២របស់លោក ជាមួយយ៉ាងហោច ៨៧អាសនៈនៅក្នុងសភាមាន ១៥០អាសនៈ ។

លោក Albanese និយាយប្រាប់ក្រុមអ្នកគំាទ្ររបស់លោកថា រដ្ឋាភិបាលរបស់ពួកយើងនឹងជ្រើសរើសផ្លូវរបស់អូស្ត្រាលី ពីព្រោះពួកយើងមានមោតនភាពចំពោះពួកយើង និងពលរដ្ឋទំាងអស់ដែលពួកយើងរួមគ្នាបង្កើតនៅក្នុងប្រទេសមួយនេះ ។ លោកសូមសាទរការបោះឆ្នោតនេះថា ជាគុណតម្លៃរបស់អូស្រ្តាលី ។

ដោយឡែក លោក Peter Dutton គឺជាមេដឹកនាំគណបក្សសេរីនិយម ទទួលស្គាល់បរាជ័យ និងការបាត់បង់អាសនៈផ្ទាល់ខ្លួនរបស់លោក ។

ក្រុមអ្នកគាំទ្រគណបក្សការងារនៅក្នុងទីក្រុងស៊ីដនី នាំគ្នាអបអរសាទរ និងឱបគ្នា ពេល លោក Albanese ប្រកាសជ័យជំនះ និងនិយាយថា គណបក្សរបស់លោកនឹងបង្កើតរដ្ឋាភិបាលសំឡេងភាគច្រើន ។

គេហទំព័ររបស់គណៈកម្មាធិការបោះឆ្នោតអូស្ត្រាលី ព្យាករថា គណបក្សការងារនឹងឈ្នះ ៨១អាសនៈនៅក្នុងចំណោម ១៥០អាសនៈនៅក្នុងសភាតំណាងរាស្រ្ត ពោលគឺធ្វើឲ្យកើនឡើងសំឡេងភាគច្រើនរបស់ពួកគេនៅក្នុងសភា ពេលដែលសន្លឹកឆ្នោតរាប់បាន ៦៨ភាគរយ ៕