មន្រ្តីនិយាយថា មនុស្សយ៉ាងហោច ៦នាក់ ត្រូវបានសម្លាប់ និងមនុស្សជាង ៥០នាក់ផ្សេងទៀត រងរបួស ក្នុងហេតុការណ៍ជាន់គ្នានៅព្រះវិហារមួយកន្លែងរបស់ឥណ្ឌា ស្ថិតក្នុងរដ្ឋតំបន់ឆ្នេរភាគខាងលិច Goa ជាទីដែលហិណ្ឌូសាសនិករាប់រយនាក់ បានជួបជុំគ្នា ។

យោងតាមការអះអាងរបស់អភិបាលរដ្ឋលោក Pramod Sawant បានឲ្យដឹងថា ឧបទ្ទេវហេតុនេះ បានកើតឡើងនៅព្រឹកទាបភ្លឺថ្ងៃសៅរ៍ ចន្លោះម៉ោង ៤ និង ៥ព្រឹក ពេលដែលក្រុមអ្នកគោរពបូជាចូលរួមពិធីបុណ្យប្រចាំឆ្នាំ Shri Lairai Zatra ស្ថិតក្នុងភូមិ Shirgao ដែលពេញនិយមសម្រាប់ពិធីសាសនាជាច្រើន រួមទាំងពិធីដើរលើភ្លើងផងដែរ ។

សារព័ត៌មានក្នុងស្រុក រាយការណ៍ថា បច្ចុប្បន្នក្រុមអាជ្ញាធរកំពុងស៊ើបអង្កេតលើមូលហេតុបណ្តាលឲ្យកើតមានហេតុការណ៍ជាន់គ្នានេះ ៕