ភាគីទាំងពីរបាននិយាយកាលពីថ្ងៃអង្គារទី ៦ ឧសភា ថា ប្រទេសរុស្ស៊ី និងអ៊ុយក្រែន បានដោះដូរឈ្លើយសឹកសង្គ្រាមចំនួន២០៥នាក់ក្នុងការដោះដូរមួយដែលត្រូវបានសម្របសម្រួលដោយប្រទេសអារ៉ាប់រួម។

ប្រធានាធិបតីអ៊ុយក្រែន លោក Volodymyr Zelenskiy បានសរសេរនៅលើកម្មវិធីផ្ញើសារ Telegram ដោយបានអរគុណដល់ប្រទេសអារ៉ាប់រួម(UAE) សម្រាប់ការជួយអ៊ុយក្រែនថា «ថ្ងៃនេះអ៊ុយក្រែន បាននាំយកអ្នកចម្បាំងចំនួន២០៥នាក់ត្រឡប់មកវិញ»។

ដោយរង់ចាំរថយន្តក្រុងដឹកប្អូនប្រុសយ៉ាងអន្ទះសារ អ្នកស្រី Anastasiia Dobriieva អាយុ៣១ឆ្នាំ និង អ្នកស្រី Inha Palamarchuk អាយុ៣៨ឆ្នាំ បានអុជទៀននៅលើនំខួបកំណើត រង់ចាំប្អូនប្រុស។

ភ្លាមៗនៅពេលដែលប្អូនប្រុសរបស់ពួកគេឈ្មោះ Yurii Dobriiev អាយុ២៥ ឆ្នាំបានចុះពីរថយន្តក្រុង បងប្អូនស្រីទាំងពីរបានប្រញាប់ទៅអោបប្អូនប្រុស។ អ្នកស្រី Dobriieva បាននិយាយថា Dobriiev បានចាកចេញរយៈពេល១ឆ្នាំកន្លះ ដោយសាតែត្រូវបានចាប់ខ្លួនដោយរុស្ស៊ី។

អង្គការកិច្ចការឈ្លើយសឹកសង្គ្រាមរបស់អ៊ុយក្រែនបាននិយាយថា ឈ្លើយសឹកដែលបានបញ្ជូនមកវិញមានទាហានចំនួន ២០២ នាក់ និងមន្ត្រីបីនាក់ មកពីផ្នែកផ្សេងៗនៃយោធា និងឆ្មាំជាតិ។

ការដោះដូរនេះ គឺជាលើកទី៥ ក្នុងឆ្នាំនេះ២០២៥នេះ និងជាលើកទី៦៤ នៃសង្រ្គាមទាំងមូលដែលបានឈានដល់រយៈពេលជាង៣៨ខែ មកហើយ។