អ៊ុយក្រែន កំពុងចាប់ផ្តើមពិចារណាការផ្លាស់ប្តូរចេញពីប្រាក់ដុល្លារអាមេរិក ដែលអាចភ្ជាប់រូបិយប័ណ្ណរបស់ខ្លួនឲ្យកាន់តែចូលកៀកទៅនឹងប្រាក់អឺរ៉ូ ក្នុងពេលមានការបែងចែកពាណិជ្ជកម្មសកល និងទំនាក់ទំនងដែលកំពុងកើនឡើងរបស់ខ្លួនជាមួយសហភាពអឺរ៉ុប។

ដំណើរការចូលជាសមាជិកដ៏មានសក្ដានុពលទៅក្នុងសហភាពអឺរ៉ុប ជា «ការពង្រឹងតួនាទីរបស់សហភាពអឺរ៉ុប ក្នុងការធានាបាននូវសមត្ថភាពការពារជាតិ ភាពប្រែប្រួលកាន់តែខ្លាំងឡើងនៅក្នុងទីផ្សារពិភពលោក និងភាពអាចកើតមានឡើងនៃការបែងចែកពាណិជ្ជកម្មសកល» ដែលកំពុងបង្ខំឱ្យធនាគារកណ្តាល ពិនិត្យមើលឡើងវិញថាតើ ប្រាក់អឺរ៉ូ គួរតែជារូបិយប័ណ្ណយោងសម្រាប់ប្រាក់ហឺរីវញ៉ា(hryvnia) របស់អ៊ុយក្រែន ជំនួសឱ្យប្រាក់ដុល្លារ ឬយ៉ាងណា។

លោក Pyshnyi បាននិយាយបន្ថែមថា «ការងារនេះស្មុគស្មាញ និងទាមទារឱ្យមានការរៀបចំដែលមានគុណភាពខ្ពស់ និងអាចប្រើប្រាស់បាន»។

ប្រាក់ដុល្លារគ្របដណ្តប់លើពាណិជ្ជកម្មអន្តរជាតិ និងគណនីសម្រាប់ភាគច្រើននៃទុនបម្រុងពិភពលោក។ ប្រទេសដែលមានសេដ្ឋកិច្ចសំខាន់ៗ រួមទាំងប្រទេសអារ៉ាប៊ីសាអូឌីត និងក្រុងហុងកុង បានដាក់រូបិយប័ណ្ណរបស់ខ្លួនទៅជាប្រាក់ដុល្លារ។