សមាជិកយោធារបស់ប៉ាគីស្ថាន និងកងកម្លាំងសន្តិសុខព្រំដែនប្រទេសឥណ្ឌា បានត្រៀមខ្លួនសម្រាប់ពិធីផ្អាកសកម្មភាពសឹកតាមប្រពៃណី កាលពីថ្ងៃពុធ ក្នុងពេលមានភាពតានតឹងកាន់តែខ្លាំងឡើងរវាងប្រទេសជិតមានអាវុធនុយក្លេអ៊ែរទាំងពីរ។

មន្ត្រីប៉ាគីស្ថាននិយយាថា «សេចក្តីចង់បានរបស់យើងគឺខ្លាំង ដែលយើងឈរជាមួយប៉ាគីស្ថានគ្រប់ពេលវេលា គ្រប់នាទី។ យើងឈរជាមួយកងទ័ពប៉ាគីស្ថាន។ ប៉ាគីស្ថានត្រូវតែនៅរស់ជារៀងរហូត។

ពិធីនេះបានធ្វើឡើង ខណៈប្រទេសប៉ាគីស្ថានបានអះអាងថាបានបាញ់ទម្លាក់យន្តហោះរបស់ប្រទេសឥណ្ឌាចំនួនប្រាំគ្រឿង ដែលធ្វើឲ្យមានការប៉ះទង្គិចគ្នាផ្នែកយោធាអាក្រក់បំផុតរវាងគូប្រជែងទាំងពីរក្នុងរយៈពេលជាងពីរទសវត្សរ៍មកនេះ។ ការប្រឈមមុខដាក់គ្នានេះ បានជំរុញឱ្យមានការភ័យខ្លាចពីជម្លោះក្នុងតំបន់កាន់តែរីកធំ។

ចាប់តាំងពីទទួលបានឯករាជ្យពីការគ្រប់គ្រងអាណានិគមរបស់អង់គ្លេសនៅឆ្នាំ ១៩៤៧ ប៉ាគីស្ថាន និងឥណ្ឌា បានប្រយុទ្ធគ្នាទ្រង់ទ្រាយធំចំនួន២លើក ជុំវិញបញ្ហាតំបន់កាស្មៀរដែលមានប្រជាជនមូស្លីមភាគច្រើន ដែលប្រទេសទាំងពីរគ្រប់គ្រងដោយផ្នែក ប៉ុន្តែទាមទារសិទ្ធពេញលេញ។

យោធាប៉ាគីស្ថាន បានរាយការណ៍ថា ជនស៊ីវិលយ៉ាងតិច ៣១ នាក់ត្រូវបានសម្លាប់ និង ៤៦ នាក់បានរងរបួសនៅក្នុងការវាយប្រហាររបស់ឥណ្ឌា និងការបាញ់ផ្លោងនៅតាមព្រំដែន។