អាល្លឺម៉ង់៖ ក្រុមបាតុករដែលធ្វើបាតុកម្មប្រឆាំងទៅនឹងគោលនយោបាយជំងឺកូវីដ-១៩ របស់ប្រទេសអាល្លឺម៉ង់បានប៉ះទង្គិចជាមួយនគរបាលនៅទីក្រុង Greiz ខណៈដែលក្រុមបាតុករបានដើរតាមដងផ្លូវក្នុងទីក្រុងនានាទូទាំងប្រទេស។ ក្រុមមន្ត្រីបាននិយាយថា មន្ត្រីនគរបាល ១៤នាក់បានរងរបួស បន្ទាប់ពីការប្រមូលផ្តុំមនុស្សប្រមាណ ១,០០០នាក់ និងបានប្រែទៅជាអំពើហិង្សានៅក្នុងទីក្រុង Greiz។
នគរបាលបានប្រើប្រាស់ម្សៅម្រេចបាញ់លើបាតុករ ខណៈពួកគេព្យាយាមសម្រុកចូលក្នុងខ្សែការពាររបស់មន្ត្រី។ រហូតមកដល់ពេលនេះបាតុករជាង ២០០នាក់ត្រូវបានកំណត់អត្តសញ្ញាណ ដោយមានករណីព្រហ្មទណ្ឌចំនួន ៤០ករណី។ ការតវ៉ានេះធ្វើឡើងបន្ទាប់ពីមានការប្រកាសកាលពីដើមខែធ្នូថា អ្នកដែលមិនបានចាក់វ៉ាក់សាំងបង្ការនៅទូទាំងប្រទេសអាល្លឺម៉ង់ ឆាប់ៗនេះនឹងមិនអនុញ្ញាតឲ្យចូលហាងលក់ទំនិញ ភោជនីយដ្ឋាន និងកីឡា និងកន្លែងវប្បធម៌ ខណៈដែលករណីឆ្លងកើនឡើងនៅទូទាំងទ្វីបអឺរ៉ុប៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
