រដ្ឋបាលរបស់ប្រធានាធិបតី លោក Donald Trump មានបំណងទទួលយកយន្តហោះ Boeing 747-8 ជាអំណោយពីគ្រួសាររាជវង្សរបស់ប្រទេសកាតា ដែលក្រោយមកនឹងត្រូវបានបំពាក់ជា Air Force One ដើម្បីបម្រើប្រធានាធិបទី នេះបើយោងតាមប្រភពព័ត៌មានដែលបានរាយការណ៍អំពីបញ្ហានេះ។

ប្រភពព័ត៌មាននិយាយថា យន្តហោះទំនើប ដែលជាអំណោយដ៏មានតម្លៃបំផុតមិនធ្លាប់មានទទួលដោយរដ្ឋាភិបាលសហរដ្ឋអាមេរិក នឹងត្រូវផ្តល់ដល់បណ្ណាល័យប្រធានាធិបតីរបស់លោក Trump ដែលយន្តហោះពាណិជ្ជកម្មថ្មី Boeing 747-8 មានតម្លៃប្រហែល៤០០លានដុល្លារ។

ក្រុមអ្នកប្រជាធិបតេយ្យ និងអ្នកតស៊ូមតិរដ្ឋាភិបាល បានរិះគន់ចំពោះសំណើនេះ ដោយនិយាយថា វាបានបង្កើនការព្រួយបារម្ភយ៉ាងខ្លាំងអំពីភាពត្រឹមត្រូវ និងផ្លូវច្បាប់។

អ្នកនាំពាក្យសេតវិមានលោកស្រី Karoline Leavitt បាននិយាយនៅក្នុងសេចក្តីថ្លែងការណ៍ថា «អំណោយណាមួយដែលត្រូវបានផ្តល់ដោយរដ្ឋាភិបាលបរទេស គឺតែងតែត្រូវបានទទួលយកដោយអនុលោមតាមច្បាប់ដែលអាចអនុវត្តបានទាំងអស់គ្នា។ រដ្ឋបាលរបស់លោកប្រធានាធិបតី Trump ប្តេជ្ញាធ្វើឱ្យមានតម្លាភាពពេញលេញ។