សម្តេចប៉ាប ឡេអូ ទី១៤ បានអំពាវនាវដល់ប្រទេសមហាអំណាចធំៗរបស់ពិភពលោក «កុំឲ្យមានសង្រ្គាមតទៅទៀត» នៅក្នុងសារដំបូងរបស់ព្រះអង្គកាលពីថ្ងៃអាទិត្យ ចាប់តាំងពីការជាប់ឆ្នោតរបស់ទ្រង់ជាសម្តេចប៉ាប។ «សោកនាដកម្មដ៏ធំធេងនៃសង្គ្រាមលោកលើកទី២ បានបញ្ចប់កាលពី៨០ឆ្នាំកន្លងទៅនេះ នៅថ្ងៃទី៨ ខែឧសភា បន្ទាប់ពីបានបន្សល់ទុកជនរងគ្រោះ៦០លាននាក់ស្លាប់។

នៅក្នុងសេណារីយ៉ូ ដ៏អស្ចារ្យនាពេលបច្ចុប្បន្ននេះនៃ «សង្រ្គាមលោកលើកទី៣» ដែលកំពុងប្រយុទ្ធគ្នាដោយផ្នែក ខណៈសម្តេចប៉ាប ហ្វ្រង់ស៊ីស ធ្លាប់បានមានបន្ទូលដដែលៗ ខ្ញុំសូមអំពាវនាវទៅកាន់ប្រទេសដ៏អស្ចារ្យនៃពិភពលោក នូវការសុំអង្វរថា «កុំមានសង្រ្គាមតទៅទៀត!»

មនុស្សរាប់ម៉ឺននាក់ បានមកប្រមូលផ្តុំគ្នានៅទីលាន St. Peter's ដើម្បីស្តាប់បន្ទូលរបស់ព្រះអង្គ។ សម្តេចប៉ាបថ្មីដែលបានជាប់ឆ្នោតកាលពីថ្ងៃទី៨ ខែឧសភា បានអំពាវនាវឱ្យមាន«សន្តិភាពពិតប្រាកដ និងស្ថិតស្ថេរយូរអង្វែង» នៅអ៊ុយក្រែន។ រួមជាមួយនឹងបទឈប់បាញ់នៅតំបន់ហ្កាហ្សា និងការដោះលែងចំណាប់ខ្មាំងអ៊ីស្រាអែលទាំងអស់ដែលចាប់ខ្លួនដោយក្រុមសកម្មប្រយុទ្ធហាម៉ាស។ ព្រះអង្គ ក៏បានស្វាគមន៍បទឈប់បាញ់រវាងប្រទេសឥណ្ឌា-ប៉ាគីស្ថាន ដ៏ផុយស្រួយ ដោយអំពាវនាវឱ្យវាស្ថិតស្ថេរ។