អនុរដ្ឋមន្ត្រីការបរទេសរុស្ស៊ី Alexander Grushko បានប្រាប់សារព័ត៌មាន TASS ថា សមយុទ្ធ Thunder Fortress 2025 របស់អង្គការណាតូ នៅក្នុងប្រទេសលីទុយអានី គឺសំដៅប្រឆាំងនឹងរុស្ស៊ី ប៉ុន្តែទីក្រុងមូស្គូកំពុងធ្វើការ ដើម្បីធ្វើឲ្យប្រាកដថា កិច្ចខិតខំប្រឹងប្រែងទាំងនេះសម្រាប់រៀបចំកម្លាំង គឺគ្មានប្រយោជន៍ទេ។

នៅពេលសួរថាតើការធ្វើសមយុទ្ធនេះ ត្រូវបានគេកំណត់គោលដៅទៅលើនរណានោះ លោកបានឆ្លើយថា «ប្រឆាំងនឹងយើង»។

អ្នកការទូតរូបនេះ បាននិយាយថា៖«វិធានការកំពុងត្រូវបានអនុវត្តរួចហើយ។ ពួកវាត្រូវបានប្រកាស៖ សង្កាត់យោធាចំនួនពីរ កំពុងត្រូវបានបង្កើតឡើងឡើងវិញ ហើយអង្គភាពរថក្រោះ កំពុងត្រូវបានបង្កើតឡើងនៅតំបន់ Karelia ។ វិធានការផ្សេងទៀត នឹងត្រូវធ្វើឡើងតាមដែលយើងយល់ថា ចាំបាច់ ដើម្បីបដិសេធការប៉ុនប៉ងទាំងអស់នេះ ក្នុងការរៀបចំកម្លាំងក្នុងទិសដៅរបស់រុស្ស៊ី»។

យោងតាមលោក Grushkoបានឲ្យដឹងថា សមយុទ្ធណាតូទាំងអស់ ត្រូវបានភ្ជាប់ដោយចេតនា ដើម្បីទប់ស្កាត់រុស្ស៊ី និងរៀបចំសម្ព័ន្ធភាពសម្រាប់ការប៉ះទង្គិចដោយយោធា។

អ្នកការទូតរូបនេះ បានក៏និយាយទៀតថា៖«យើងយល់គ្រប់យ៉ាងបានយ៉ាងល្អឥតខ្ចោះ។ យោធាកំពុងតាមដានយ៉ាងដិតដល់ ហើយក្នុងករណីណាក៏ដោយ ផលប្រយោជន៍នៃសមត្ថភាពសន្តិសុខ និងការការពាររបស់យើង នឹងត្រូវបានធានា»។

សមយុទ្ធ Thunder Fortress 2025 គ្រោងនឹងប្រារព្ធឡើង នៅប្រទេសលីទុយអានី ចាប់ពីថ្ងៃទី ១៣ ដល់ថ្ងៃទី ២៧ ខែឧសភា។ ទាហានប្រមាណ ៨.០០០នាក់ នឹងចូលរួមក្នុងសមយុទ្ធអន្តរជាតិនេះ។