ទឹកជំនន់នៅភាគខាងលិចរដ្ឋ Maryland សហរដ្ឋអាមេរិក បានជន់លិចគ្របដណ្តប់លើផ្លូវនានាទាំងស្រុង ហើយថែមទាំងបានហូរចូលទៅក្នុងស្ថានីយ៍ពន្លត់អគ្គិភ័យនៅក្រុង Westernport។

វីដេអូពីក្រុមហ៊ុនពន្លត់អគ្គីភ័យ Potomac បានបង្ហាញទឹកជន់លិចនៅក្នុងស្ថានីយ៍ពន្លត់អគ្គិភ័យ។

អភិបាលរដ្ឋ លោក Wes Moore បានចេញសេចក្តីថ្លែងការណ៍មួយនៅលើបណ្តាញសង្គម Facebook ដោយនិយាយថា ក្រសួងគ្រប់គ្រងគ្រាអាសន្ន រដ្ឋ Maryland បានបង្កើនឋានៈមជ្ឈមណ្ឌលប្រតិបត្តិការសង្គ្រោះបន្ទាន់របស់ខ្លួនដើម្បីគាំទ្រ។

វីដេអូពីយានដ្រូន បានបង្ហាញផ្លូវនានាត្រូវបានជន់លិចនៅទីក្រុង Westernport រដ្ឋ Maryland បន្ទាប់ពីមានភ្លៀងធ្លាក់ខ្លាំងនៅក្នុងតំបន់នោះ។ តំបន់ Allegany ជាតំបន់មួយដែលរងផលប៉ះពាល់ខ្លាំងបំផុតនៅក្នុងរដ្ឋ Maryland ហើយនៅទីក្រុង Westernport ផ្លូវជាច្រើនកន្លែងត្រូវបានទឹកហូរដាច់។