អ្នកនាំពាក្យក្រុមហ៊ុនបាននិយាយថា ការផលិតកម្មនៅរោងចក្រ Kumho Tire ដែលជារោងចក្រផលិតសំបកង់រថយន្តដ៏ធំបំផុតរបស់ប្រទេសកូរ៉េខាងត្បូង ត្រូវបានផ្អាក ដោយសារអគ្គិភ័យ បានឆាបឆេះ នៅថ្ងៃសៅរ៍ (ទី១៧ ខែឧសភា)នេះ។  

ភ្នាក់ងារពន្លត់អគ្គីភ័យ បាននិយាយថា បុគ្គលិកម្នាក់និងអ្នកពន្លត់អគ្គិភ័យពីរនាក់ បានរងរបួសរហូតមកដល់ពេលនេះ នៅឯរោងចក្រក្នុងទីក្រុង Gwangju ដោយមានអ្នកពន្លត់អគ្គិភ័យប្រហែល ២៦២នាក់ និងរថយន្ត ៩៦គ្រឿងឥឡូវនេះត្រូវបានដាក់ពង្រាយ ទៅកាន់កន្លែងនោះ។ ភ្នាក់ងារនេះបាននិយាយថា ភ្លើងអាចឆេះអស់រយៈពេលជាច្រើនថ្ងៃ។

អ្នកនាំពាក្យក្រុមហ៊ុននេះ បាននិយាយថា រោងចក្រ Kumho Tire កំពុងស្វែងរកការបង្កើនផលិតកម្ម នៅរោងចក្រក្នុងស្រុកផ្សេងទៀតរបស់ខ្លួន ដើម្បីទូទាត់ការខាតបង់ផលិតកម្ម។

អតិថិជនរបស់ក្រុមហ៊ុន រួមមានក្រុមហ៊ុន Hyundai Motor Group, Volkswagen Group និង Mercedes-Benz។ នេះបើយោងតាមឯកសារបទប្បញ្ញត្តិរបស់ខ្លួន។