អ្នកនាំពាក្យរបស់អង្គការសហប្រជាជាតិ លោក Stephane Dujarric បានលើកឡើងពីបញ្ហានៃការទទួលបានជំនួយចូលទៅក្នុងតំបន់ហ្កាហ្សា នៅក្នុងសន្និសីទសារព័ត៌មាននៅទីស្នាក់ការកណ្តាលរបស់អង្គការសហប្រជាជាតិ កាលពីថ្ងៃចន្ទ។ លោកបានប្រាប់អ្នកសារព័ត៌មានថា «មានរថយន្តដឹកជំនួយចំនួន៩គ្រឿងចូលទៅហ្កាហ្សា គឺប្រសើរជាងគ្មានរថយន្តដឹកជំនួយចូល ប៉ុន្តែយើងត្រូវការជំនួយមនុស្សធម៌យ៉ាងច្រើនបន្ថែមទៀត» ។

ប្រធានជំនួយរបស់អង្គការសហប្រជាជាតិ លោក Tom Fletcher បាននិយាយថា អ៊ីស្រាអែល បានបើកច្រកឲ្យរថយន្តជំនួយចំនួន៩គ្រឿងចូលទៅកាន់តំបន់ហ្កាហ្សាកាលពីថ្ងៃចន្ទ តាមរយៈច្រកឆ្លងកាត់ Kerem Shalom បន្ទាប់ពីការបិទផ្លូវទាំងស្រុងរយៈពេល១១សប្តាហ៍។

លោក Fletcher បាននិយាយនៅក្នុងសេចក្តីថ្លែងការណ៍ថា "ប៉ុន្តែវាប្រៀបដូចជាការទម្លាក់ចូលទៅក្នុងមហាសមុទ្រនៃអ្វីដែលត្រូវការបន្ទាន់ ហើយជំនួយបន្ថែមទៀតត្រូវតែបានអនុញ្ញាតឱ្យចូលទៅក្នុងតំបន់ហ្កាហ្សា ដោយចាប់ផ្តើមនៅព្រឹកថ្ងៃអង្គការនេះ»។ លោក Dujarric បាននិយាយដោយសង្កត់ធ្ងន់ថា នេះច្បាស់លាស់ណាថា វាប្រៀបបានទៅនឹង «ការទម្លាក់ចូលទៅក្នុងមហាសមុទ្រ» ខណៈអង្គការសហប្រជាជាតិ ត្រូវការបញ្ជូន រថយន្តដឹកជំនួយរាប់រយគ្រឿងចូលទៅក្នុងតំបន់ហ្កាហ្សា។

អង្គការសហប្រជាជាតិ បាននិយាយជាយូរមកហើយថា តំបន់ហ្កាហ្សា ត្រូវការរថយន្តជំនួយ និងទំនិញពាណិជ្ជកម្មយ៉ាងហោចណាស់៥០០គ្រឿងជារៀងរាល់ថ្ងៃ។ កម្មវិធីស្បៀងអាហារពិភពលោកបាននិយាយថា ស្បៀងជាង ១១៦.០០០តោន គ្រប់គ្រាន់សម្រាប់ផ្តល់អាហារដល់មនុស្សមួយលាននាក់ក្នុងរយៈពេល៤ខែ កំពុងឈរត្រៀមជាស្រេចដើម្បីនាំយកចូល។

ទោះបីជាយ៉ាងណា វានៅតែមិនាន់ច្បាស់នោះទេថាតើជំនួយចំនួនប៉ុន្មាននឹងត្រូវបានអនុញ្ញាត និងរបៀបដែលជំនួយនឹងត្រូវបានចែកចាយមុនពេលការចាប់ផ្តើមផែនការដែលគាំទ្រដោយសហរដ្ឋអាមេរិកក្នុងការជួលអ្នកធ្វើកិច្ចសន្យាឯកជនដើម្បីចែកចាយជំនួយ ដែលអង្គការសហប្រជាជាតិ និងក្រុមជំនួយផ្សេងទៀត បានច្រានចោល។