ពលរដ្ឋទីក្រុងឡុងដ្រ៍ គិតវិជ្ជមានចំពោះចក្រភពអង់គ្លេសដែលមានទំនាក់ទំនងកាន់តែជិតស្និទ្ធជាមួយសហភាពអឺរ៉ុប ខណៈអង់គ្លេស បានព្រមព្រៀងកំណត់ឡើងវិញដ៏សំខាន់នៃទំនាក់ទំនងការពារជាតិ និងពាណិជ្ជកម្ម ជាមួយសហភាពអឺរ៉ុបចាប់តាំងពីការចាកចេញរបស់អង់គ្លេសពីសហភាពអឺរ៉ុប(Brexit) ។

រយៈពេលជិត៩ឆ្នាំបន្ទាប់ពីបានបោះឆ្នោតចាកចេញពីប្លុកអឺរ៉ុប ចក្រភពអង់គ្លេស ដែលជាប្រទេសចំណាយលើវិស័យការពារជាតិច្រើនបំផុតទីពីរនៅអឺរ៉ុប នឹងចូលរួមក្នុងគម្រោងជ្រោមជ្រែងនានារួមគ្នា។ ភាគីទាំងពីរ ក៏បានព្រមព្រៀងគ្នាដើម្បីបង្កលក្ខណៈកាន់តែងាយស្រួលសម្រាប់ស្បៀង និងភ្ញៀវទេសច របស់ចក្រភពអង់គ្លេសដើម្បីទៅដល់សហភាពអឺរ៉ុប ហើយបានចុះហត្ថលេខាលើកិច្ចព្រមព្រៀងជលផលថ្មីដ៏ចម្រូងចម្រាស។

អ្នកធ្វើដំណើរជាច្រើននៅក្នុងរដ្ឋធានី គិតថាកិច្ចព្រមព្រៀងនេះគឺល្អប្រសើរសម្រាប់ចក្រភពអង់គ្លេស ហើយបានគាំទ្រការកសាងទំនាក់ទំនងកាន់តែជិតស្និទ្ធជាមួយសហភាពអឺរ៉ុប ខណៈពលរដ្ឋទីក្រុងឡុងដ្រ៍ម្នាក់បានគិតថា នាយករដ្ឋមន្ត្រីចក្រភពអង់គ្លេស លោក Keir Starmer គួរតែគោរពដល់ការសម្រេចចិត្តរបស់អ្នកបោះឆ្នោតដើម្បីចាកចេញពីសហភាពអឺរ៉ុបកាលពីឆ្នាំ២០១៦ ។

ចក្រភពអង់គ្លេស បានចុះកិច្ចព្រមព្រៀងជាមួយសហភាពអឺរ៉ុបកាលពីថ្ងៃចន្ទ ដែលនឹងឃើញការកំណត់ឡើងវិញសំខាន់បំផុតនៃទំនាក់ទំនងការពារជាតិ និងពាណិជ្ជកម្ម។ ការចុះកិច្ចព្រមព្រៀងនេះ កើតឡើងបន្ទាប់ពីប្រធានាធិបតីសហរដ្ឋអាមេរិក លោក Donald Trump កែប្រែសណ្តាប់ធ្នាប់សកលដែល បានជំរុញឱ្យភាគីទាំងពីរបន្តឆ្ពោះទៅមុខចេញពីការបែកបាក់គ្នាដ៏ជូរចត់របស់ពួកគេ។

នាយករដ្ឋមន្ត្រីអង់គ្លេស លោក Keir Starmer បានចាត់ទុកកិច្ចព្រមព្រៀងនេះថា «ឈ្នះ-ឈ្នះ» ខណៈ វាផ្តល់ឱ្យយើងនូវដំណើរការចូលទៅកាន់ទីផ្សារសហភាពអឺរ៉ុប។