ភ្នំពេញ៖ ឯកឧត្តម វ៉ាង វិនពីន (WANG Wenbin) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំកម្ពុជា បានសរសេរឱ្យដឹងនៅលើបណ្ដាញសង្គមហ្វេសប៊ុកនៅព្រឹកថ្ងៃទី២១ ខែឧសភានេះថា តាមរយៈការដាក់ឱ្យដំណើរការ ផ្លូវដឹកជញ្ចូនត្រង់ពីកំពង់ផែ Wuxi ចិន និងកំពង់ផែព្រះសីហនុ កាលពីថ្ងៃទី១៨ ខែឧសភា ឆ្នាំ២០២៥នេះ បានកាត់បន្ថយរយៈពេលដឹកញ្ជូនពី៧ទៅ១០ថ្ងៃ និងកាត់បន្ថយការចំណាយប្រមាណ ២០-៣០% នៃការចំណាយប្រតិបត្តិការកំពង់ផែ។

ឯកឧត្តមបានសរសេរថា៖«ផ្លូវដឹកជញ្ជូនដោយផ្ទាល់រវាងកំពង់ផែ Wuxi (Jiangyin) និងកំពង់ផែក្រុងព្រះសីហនុត្រូវបានបើកដំណើរការនៅថ្ងៃទី១៨ ខែឧសភា ឆ្នាំ២០២៥នេះ។ តាមរយៈនេះ វាត្រូវបានរំពឹងថានឹងកាត់បន្ថយរយៈពេលដឹកជញ្ជូនដល់៧ទៅ១០ថ្ងៃ និងកាត់បន្ថយការចំណាយប្រមាណ ២០-៣០% នៃការចំណាយប្រតិបត្តិការកំពង់ផែ៕