ជំនួយការជាន់ខ្ពស់ពីររូបរបស់អភិបាលក្រុងម៉ិកស៊ិក លោកស្រី Clara Brugada ត្រូវបានសម្លាប់នៅក្នុងការវាយប្រហារកំណត់គោលដៅកាលពីថ្ងៃអង្គារ ទី២០ ខែឧសភា។ យោងតាមប្រធានាធិបតីម៉ិកស៊ិក លោកស្រី Claudia Sheinbaum បានឱ្យដឹងថា ការវាយប្រហារដែលបានកើតឡើងនៅកណ្តាលទីក្រុងម៉ិកស៊ិក ធ្វើឡើងអ្នកវាយប្រហារដោយជិះម៉ូតូ។

លេខារបស់អភិបាលក្រុងលោកស្រី Brugada គឺលោក Ximena Guzman និងទីប្រឹក្សា លោក Jose Munoz ត្រូវបានគេកំណត់អត្តសញ្ញាណថាជាជនរងគ្រោះ។ ក្នុងអំឡុងពេលសេចក្តីថ្លែងការណ៍មួយ នៅថ្ងៃបន្ទាប់ លោកស្រី Brugada បានសម្តែងភាពសោកសៅនិងការឈឺចាប់របស់លោកស្រីចំពោះជនរងគ្រោះ។

នៅកន្លែងកើតហេតុនៃឧក្រិដ្ឋកម្ម ប្រជាជនដែលមានការភ្ញាក់ផ្អើលបាននិយាយថា «ខ្ញុំគិតថាអ្វីៗ ហួសពីការគ្រប់គ្រងបន្តិចនៅទីនេះ នៅទីក្រុងម៉ិកស៊ិក»។

រដ្ឋាភិបាលក្រុងម៉ិកស៊ិក បានទទួលរងការវាយប្រហារជាច្រើនលើកនាពេលកន្លងមក។ កាលពីឆ្នាំ២០២០ ស្នងការនគរបាលក្រុងម៉ិកស៊ិក លោក Omar Garcia Harfuch ដែលបច្ចុប្បន្នជារដ្ឋមន្ត្រីសន្តិសុខសហព័ន្ធ ត្រូវបានបាញ់ឲ្យរងរបួសនៅក្នុងការប៉ុនប៉ងធ្វើឃាតដែលបានសម្លាប់អង្គរក្សរបស់លោកពីរនាក់។ ការវាយប្រហារនោះ ត្រូវបានដាក់កំហុសទៅលើក្រុមជនអន្ធពាលគ្រឿងញៀនដ៏មានឥទ្ធិពលបំផុតនៅក្នុងប្រទេស។