ចក្រភពអង់គ្លេស បានផ្អាកការចរចាពាណិជ្ជកម្មសេរី ជាមួយអ៊ីស្រាអែលកាលពីថ្ងៃអង្គារ ហើយបានកោះអញ្ជើញ ឯកអគ្គរដ្ឋទូតរបស់ខ្លួនប្រចាំក្រសួងការបរទេស ក្នុងជំហរតឹងរ៉ឹងបំផុតរបស់ខ្លួនប្រឆាំងនឹងការធ្វើសង្គ្រាមរបស់អ៊ីស្រាអែល នៅតំបន់ហ្កាហ្សា។

រដ្ឋមន្ត្រីការបរទេសលោក David Lammy បានចោទប្រកាន់រដ្ឋាភិបាលរបស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) ពី «សកម្មភាព និងវោហាស័ព្ទ» ជុំវិញការពង្រីកប្រតិបត្តិការយោធារបស់ខ្លួន នៅក្នុងទឹកដីប៉ាឡេស្ទីន។

ក្នុងអំឡុងសុន្ទរកថាដ៏រំជួលចិត្តមួយ ទៅកាន់សភារបស់ចក្រភពអង់គ្លេស លោក Lammy ក៏បាននិយាយផងដែរថា រដ្ឋាភិបាលចក្រភពអង់គ្លេស កំពុងដាក់ទណ្ឌកម្មថ្មីលើបុគ្គល និងអង្គការដែលពាក់ព័ន្ធនឹងការតាំងទីលំនៅ នៅតំបន់វេសបែង។

លោកបាននិយាយថា៖«ពិភពលោកកំពុងវិនិច្ឆ័យ ប្រវត្តិសាស្ត្រនឹងវិនិច្ឆ័យពួកគេ ជុំវិញការរារាំងជំនួយ ការពង្រីកសង្រ្គាម ការច្រានចោលការព្រួយបារម្ភរបស់មិត្តភ័ក្តិ និងដៃគូរបស់អ្នក។ ទង្វើបែបនេះ មិនអាចការពារបានទេ ហើយត្រូវតែបញ្ឈប់ជាបន្ទាន់។

លោក Lammy បាននិយាយថា ចក្រភពអង់គ្លេស «មិនអាចគាំទ្រការបំផ្លិចបំផ្លាញថ្មីៗ នៅក្នុងតំបន់ហ្កា ហ្សាបានទេ ហើយកំពុងផ្អាកការចរចាជាមួយអ៊ីស្រាអែលលើកិច្ចព្រមព្រៀងពាណិជ្ជកម្មសេរីថ្មីមួយ។

លោកបានបញ្ជាក់ថា ទីក្រុងឡុងដ៍ នឹង«ពិនិត្យមើលកិច្ចសហប្រតិបត្តិការ» ជាមួយអ៊ីស្រាអែល នៅក្រោមអ្វីដែលគេហៅថា ផែនទីបង្ហាញផ្លូវឆ្នាំ ២០៣០ សម្រាប់ទំនាក់ទំនងរវាងចក្រភពអង់គ្លេស និងអ៊ីស្រា    អែល។