តុលាការក្រុងឡុងដ៍កាលពីថ្ងៃអង្គារ បានកាត់ទោសបុរសជនជាតិអេហ្ស៊ីបម្នាក់ ឲ្យជាប់ពន្ធនាគារ ២៥ឆ្នាំពីបទរត់ពន្ធមនុស្សពីអាហ្វ្រិកខាងជើង ទៅប្រទេសអ៊ីតាលី។ 

លោក Ahmed Ebid ដែលបានមកដល់ចក្រភពអង់គ្លេស ក្នុងខែតុលា ឆ្នាំ ២០២២ បន្ទាប់ពីឆ្លងកាត់ប៉ុស្តិ៍អង់គ្លេសក្នុងទូកតូចមួយ បានសារភាពកំហុសនៅតុលាការ Southwark Crown ពីបទសមគំនិត ក្នុងការជួយជនអន្តោប្រវេសន៍ខុសច្បាប់។

លោកចៅក្រម Adam Hiddleston បាននិយាយថា លោក Ebid បានដើរតួយ៉ាងសំខាន់ នៅក្នុងក្រុមឧក្រិដ្ឋកម្ម ដែលមានអង្គការចាត់តាំងត្រឹមត្រូវ ហើយថា «ការលើកទឹកចិត្តចម្បងរបស់លោក គឺដើម្បីរកលុយ» ពីការជួញដូរមនុស្ស។ 

ចាប់តាំងពីការមកដល់ចក្រភពអង់គ្លេស និងរហូតដល់ខែមិថុនា ឆ្នាំ ២០២៣ លោក Ebid អាយុ ៤២ឆ្នាំត្រូវបានជាប់ពាក់ព័ន្ធក្នុងការឆ្លងទូកដាច់ដោយឡែកចំនួន ៧ ដែលជាផ្នែកមួយនៃប្រតិបត្តិការតម្លៃ ១២ លានផោន (១៦លានដុល្លារ) ដែលបានដឹកមនុស្ស ៣.៧៨១នាក់ រួមទាំងកុមារចូល ទៅក្នុងដែនទឹកអ៊ីតាលីពីអាហ្វ្រិកខាងជើង។