អគាររងការខូចខាត ហើយផ្លូវថ្នល់រងការជន់លិច ក្រោយភ្លៀងធ្លាក់ខ្លាំង វាយប្រហារទីក្រុងមាត់សមុទ្រ Le Lavandou ស្ថិតក្នុងតំបន់ Rivieraរបស់ប្រទេសបារាំង បណ្តាលឲ្យមនុស្ស ៣នាក់ បាត់បង់អាយុជីវិត ។

យោងតាមការអះអាងរបស់អភិបាលក្រុង Lavandou បានឲ្យដឹងថា ស្រ្តីវ័យចំណាស់ម្នាក់ បានស្លាប់ ហើយប្តីរបស់គាត់កំពុងបាត់ខ្លួន ក្រោយភ្លៀងធ្លាក់ខ្លាំង ។

ទោះបីជាយ៉ាងណាក៏ដោយ ក្រុមអាជ្ញាធរ និយាយថា សាកសពរបស់ប្តីប្រពន្ធវ័យចំណាស់ទាំង ២នាក់ ត្រូវបានរកឃើញនៅទីក្រុងមាត់សមុទ្រ Le Lavandou ខណៈមនុស្សម្នាក់ទៀត បានសម្លាប់ក្រោយជាប់ក្នុងរថយន្តនៅទីក្រុង Vidauban ។

ភ្លៀងធ្លាក់ខ្លាំង បណ្តាលឲ្យមានការខូចខាតទ្រង់ទ្រាយធំនៅទូទាំតំបន់ ដោយជន់លិចផ្លូវថ្នល់ បណ្តាលឲ្យដាច់ចរន្តអគ្គិសនី និងដាច់ប្រព័ន្ធទឹកប្រើប្រាស់ផងដែរ ។

រថភ្លើងក្នុងតំបន់ចំនួន ២ខ្សែ បានបញ្ឈប់ការធ្វើដំណើររបស់ពួកគេ ក្រោយផ្លូវរថភ្លើងរងការខូចខាត ។

រូបភាពវីដេអូឃ្លីប និងរូបថតសន្លឹកថតបាននៅតំបន់នោះ ឃើញការខូចខាតធុរកិច្ចតាមមាត់សមុទ្រ ទឹកជន់លិចជណ្តើរ ហើយរថយន្តលិចដោយអន្លើរនៅតាមដងផ្លូវ ។

ទីភ្នាក់ងារព័ត៌មានរ៉យទ័រ អាចបញ្ជាក់ផ្ទៀងផ្ទាត់ដោយឯករាជ្យនូវទីតាំងរងផលប៉ះពាល់ តាមរយៈប្លង់ផ្លូវ អគារ ឡូហ្គោធុរកិច្ច ដើមឈើ ដោយផ្គូរផ្គងជាមួយរូបភាពផ្កាយរណប ៕