ប្រជាពលរដ្ឋនៅតាមមូលដ្ឋាន បានបន្តនាំគ្នាទៅចាក់វ៉ាក់សាំងដូសជំរុញ ដើម្បីបង្ការការពារជំងឺកូវីដ-១៩ថ្មី JN.1 ។ លោកស្រីហ៊ាង មករា ប្រធានមណ្ឌលសុខភាពស្ទឹងមានជ័យ ស្ថិតក្នុងខណ្ឌមានជ័យ បានឱ្យដឹងថា ដោយអនុវត្តតាមសេចក្តីប្រកាសរបស់ក្រសួងសុខាភិបាល នៅមណ្ឌលសុខភាពរបស់លោកស្រី បានបង្កើនការយកចិត្តទុកដាក់ ក្នុងការទទួលពលរដ្ឋមកពីគ្រប់ទិសទី ដើម្បីទទួលការចាក់វ៉ាក់សាំងដូសជំរុញ ដើម្បីបង្ការជាមុនសំដៅធានាសុំាសហគមន៍ទប់ស្កាត់ការរីករាលដាល នៃជំងឺកូវីដ-១៩ ឆ្នាំ២០២៥ ។
ប្រជាពលរដ្ឋ ថ្លែងអំណរគុណរាជរដ្ឋាភិបាល ដែលតែងតែគិតគូរ ក្នុងការផ្តល់វ៉ាក់សាំងជាបន្តបន្ទាប់ សម្រាប់ចាក់ជូនពលរដ្ឋក្នុងប្រទេស ក្នុងគ្រាដែលជំងឺកូវីដ-១៩ កំពុងមានការកម្រើកឡើងមកវិញ។
សូមបញ្ជាក់ថា ការចាក់វ៉ាក់សាំងដូសជំរុញនេះ គឺនឹងធ្វើឡើងនៅតាមមណ្ឌលសុខភាពទាំងអស់ នៅតាមថ្នាក់មូលដ្ឋាន ដោយចាក់ជូនកុមារ និងពលរដ្ឋចាប់ពីអាយុ១២ឆ្នាំឡើងទៅ ហើយចាក់បន្តជូនសម្រាប់អ្នកដែលបានចាក់វ៉ាក់សាំងពីលើកទី៣ បន្តដល់លើកទី៧ ៕ អត្ថបទ ៖ លីហេង
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
