​បាល់ទាត់​៖ ​ព្រឹត្តិការណ៍​បាល់ទាត់​ជើងឯក​ទ្វីបអាហ្វ្រិក Africa Cup of Nations កំពុងស្ថិត​ក្នុង​ភាពស្រពិចស្រពិល​នៅឡើយ ខណៈ​ការប្រកួត​នឹង​ចាប់ផ្តើម​នៅ​ខែក្រោយ​នេះហើយ​នៅលើ​ទឹក​ដីកា​ម៉េ​រូ​ន​។ ​​មួយរយៈ​ចុងក្រោយ​នេះ​មាន​សារព័ត៌មាន​កីឡា​ធំៗ​បាន​ចុះផ្សាយ​ថា ការប្រកួត​ព្រឹ​តិ្ត​ការណ៍​ធំជាងគេ​ប្រចាំ​ទ្វីបអាហ្វ្រិក​មួយ​នេះ​អាច​នឹងត្រូវ​លុបចោល រឺក៏​លើក​ពេល​បន្តទៀត​ដោយសារ​ការផ្ទុះ​រីក​រាលដាល​ឆ្លង​ខ្លាំង​នៃ​មេរោគ​ប​ម្លែ​ង​ខ្លួន Covid-19 អូ​មី​ក្រុង​។

​​យ៉ាងណាក្តី​គណៈកម្មាធិការ​រៀបចំ​កា​រ​ប្រកួតនៅតែមាន​ទំនុកចិត្ត​ថា ​ព្រឹត្តិការណ៍​អាច​ដំណើរការ​ទៅបាន​ហើយ មកទល់ពេលនេះ​ក៏​មិនមាន​ការសំរេច​ផ្លូវការ​ណាមួយ​នៅឡើយ​ពី​ការលើក​ពេល រឺ​លុបចោល​នោះ​។ នៅសល់​ពេល​មិន​ច្រើន​ទៀត​ទេ ព្រឹត្តិការណ៍​បាល់ទាត់ Africa Cup of Nations នឹង​ចាប់ផ្តើម​នៅ​ថ្ងៃទី៩ ខែមករា​ខាងមុខ​នេះហើយ និង​បញ្ចប់​នៅ​ថ្ងៃទី៦ ខែកុម្ភៈ​។ ​​ជុំវិញ​ការប្រកួត​នេះដែរ ក្លិប​នៅ Premier League មួយចំនួន​មាន​ក្តីបារម្ភ​ដោយ​ពួកគេ​នឹងត្រូវ​បាត់បង់​កីឡាករ​មួយចំនួន ​ដែល​ត្រូវ​ទៅ​ជួយ​ក្រុម​ជំរើសជាតិ​។

​​ឧទាហរណ៍​ដូចជា Liverpool មាន Mohamed Salah (​អេហ្ស៊ីប​), Sadio Mane (​សេ​ណេ​ហ្កា​ល់​), Naby Keita (​នី​ហ្សេ​រី​យ៉ា) ខណៈ Chelsea មាន​កីឡាករ​អ្នកចាំទី Edouard Mendy (​សេ​ណេ​ហ្កា​ល់​), Hakim Ziyech (​ម៉ា​រ៉ុ​ក​) ឯ Arsenal មាន​ដូច​ជា​ខ្សែប្រយុទ្ធ​ហ្កា​បុ​ង Pierre-Emerick Aubameyang, កីឡាករ​អេហ្ស៊ីប Mohamed Elneny និង​កីឡាករ​កូ​ឌី​វ័រ Nicolas Pepe ជាដើម​៕

​អត្ថបទ​៖​នាង សុភា​វុ​ធ