ទីភ្នាក់ងារសារព័ត៌មាន Yonhap បានឲ្យដឹងនៅថ្ងៃអង្គារនេះថា អាជ្ញាធរកូរ៉េខាងត្បូង បានដាក់បម្រាមការធ្វើដំណើរលើអតីតប្រធានាធិបតីស្តីទី ២រូប ដែលជាផ្នែកមួយនៃការស៊ើបអង្កេតលើកិច្ចប្រឹងប្រែងប្រកាសច្បាប់អាជ្ញាសឹកកាលីខែធ្នូ របស់អតីតមេដឹកនាំលោក Yoon Suk Yeol។ 

កាសែត Yonhap បានរាយការណ៍ថា៖«នគរបាលបាននិយាយនៅថ្ងៃទី ២៧ ខែឧសភានេះថា អតីតនាយករដ្ឋមន្ត្រីលោក Han Duck-soo និងអតីតរដ្ឋមន្ត្រីហិរញ្ញវត្ថុលោក Choi Sang-mok ត្រូវបានហាមឃាត់មិនឲ្យចាកចេញពីប្រទេសនេះ ខណៈដែលពួកគេកំពុងត្រូវបានស៊ើបអង្កេតជាជនសង្ស័យក្នុងសំណុំរឿងបះបោរមួយ» ដោយបន្ថែមការហាមឃាត់នេះ ចូលជាធរមាន នៅពាក់កណ្តាលខែឧសភា។

លោកYoon ត្រូវបានដកចេញពីតំណែងជាផ្លូវការ កាលពីខែមុន បន្ទាប់ពីត្រូវបានចោទប្រកាន់ និងព្យួរការងារការងារ ដោយសមាជិកសភាជុំវិញការប៉ុនប៉ងកាលពីថ្ងៃទី ០៣ ខែធ្នូ របស់លោក ដើម្បីបំផ្លាញ គ្រប់គ្រងរបស់ជនស៊ីវិល ដែលឃើញទាហានប្រដាប់អាវុធ ត្រូវបានដាក់ពង្រាយ ទៅកាន់សភា។

បច្ចុប្បន្ននេះ លោកកំពុងស្ថិតក្នុងការជំនុំជម្រះទោសលើបទចោទប្រកាន់ពីបទបះបោរជុំវិញការប្រកាសច្បាប់សឹកនោះ។

ប្រសិនបើរកឃើញថា មានកំហុស លោក Yoon នឹងក្លាយជាប្រធានាធិបតីកូរ៉េខាងត្បូងទី ៣ ដែលត្រូវបានគេរកឃើញថា មានទោសពីបទបះបោរ បន្ទាប់ពីមេដឹកនាំយោធាពីររូបពាក់ព័ន្ធនឹងរដ្ឋប្រហារ ឆ្នាំ ១៩៧៩។