កាលពីថ្ងៃសុក្រ គ្រូពេទ្យកុមារ លោកស្រីវេជ្ជបណ្ឌិត Alaa Al-Najjar ដែលជាវេជ្ជបណ្ឌិតម្នាក់ ក្នុងចំណោម គ្រូពេទ្យជាច្រើន ដែលនៅតែធ្វើការនៅតំបន់ហ្កាហ្សា បានចាកចេញពីផ្ទះដូចធម្មតាសម្រាប់ការផ្លាស់ប្តូរ   ដ៏គួរឲ្យសោកសៅមួយទៀត នៅក្នុងអគារពេទ្យ Nasser ដែលរងការវាយប្រហារដោយសង្រ្គាម នៅក្នុងទីក្រុង Khan Younis។

ខណៈដែលលោកស្រី មើលថែទារក និងកុមារ ដែលរងរបួសក្នុងការវាយប្រហារតាមអាកាសកាលពីប៉ុន្មានថ្ងៃមុន មីស៊ីលបានវាយប្រហារផ្ទះរបស់លោកស្រី ដោយបានសម្លាប់កូន ៩នាក់ ក្នុងចំណោម ១០នាក់របស់ខ្លួន។

ឪពុករបស់ពួកគេដែលជាវេជ្ជបណ្ឌិតផងដែរ បានរងរបួសយ៉ាងធ្ងន់ធ្ងរ ក្នុងការវាយប្រហារនោះ។ កូនតែម្នាក់គត់ដែលនៅរស់រានមានជីវិតរបស់ប្តីប្រពន្ធនេះ ក្មេងប្រុសអាយុ ១១ឆ្នាំម្នាក់ ត្រូវបានបញ្ជូនទៅមន្ទីរពេទ្យម្តាយរបស់គេ ដែលជីវិតរបស់ក្មេងនេះ ត្រូវបានជួយសង្គ្រោះ នៅលើតុវះកាត់។

នៅថ្ងៃដដែលនោះ មនុស្សជាង ៥០នាក់ រួមទាំងសមាជិកវ័យក្មេងជាច្រើននៃគ្រួសារតែមួយ ត្រូវបានសម្លាប់ នៅក្នុងជំរំ Jabalia ភាគខាងជើងតំបន់ហ្កាហ្សា។

គួរបញ្ជាក់ផងដែរ កាលពីសប្តាហ៍មុន សហភាពអឺរ៉ុប ដែលជាដៃគូពាណិជ្ជកម្មដ៏ធំបំផុតរបស់អ៊ីស្រាអែល បានប្រកាសថា ខ្លួនកំពុងពិនិត្យមើលកិច្ចព្រមព្រៀងសមាគមសហភាពអឺរ៉ុប និងអ៊ីស្រាអែល ជាពិសេសមាត្រា ២ ដែលចែងថា ទំនាក់ទំនង «ត្រូវផ្អែកលើការគោរពសិទ្ធិមនុស្ស និងគោលការណ៍ប្រជាធិបតេយ្យ»។