អគ្គនាយកដ្ឋានគយ និងរដ្ឋាករកម្ពុជា ពង្រឹងប្រសិទ្ធភាពទប់ស្កាត់ការនាំចូលផលិតផលសម្រេច និង​ផលិតផលជិតសម្រេច របស់គម្រោង វិនិយោគមាន​លក្ខណៈ​សម្បត្តិ​គ្រប់​គ្រាន់​បម្រើ​ឱ្យ​ការ​នាំចេញ។

យោងតាមលិខិតលេខ ៤៦៨២ សហវ ចុះថ្ងៃទី៥ ខែឧសភា ឆ្នាំ២០២៥ របស់ក្រសួងសេដ្ឋកិច្ច ​និង​ហិរញ្ញវត្ថុ ស្តីពីការពង្រឹងប្រសិទ្ធ- ភាពការគ្រប់គ្រងអនុលោមភាពលើការនាំចូលធាតុចូល ផលិត​កម្ម​សម្រាប់បម្រើឱ្យខ្សែច្រវាក់ផលិតកម្ម របស់គម្រោងវិនិយោគមានលក្ខណៈ សម្បត្តិ​គ្រប់​គ្រាន់​, លិខិតលេខ ២០១៣/២៥ អគរ ចុះថ្ងៃទី៧ ខែឧសភា ឆ្នាំ២០២៥ របស់​អគ្គនាយក​ដ្ឋាន​គយ​ និងរដ្ឋាករកម្ពុជា ស្តីពីការពង្រឹង ប្រសិទ្ធភាពការគ្រប់គ្រងអនុលោមភាព លើការ​នាំ​ចូល​ធាតុ​ចូល​ផលិតកម្ម សម្រាប់បម្រើឱ្យខ្សែច្រវាក់ផលិតកម្ម របស់គម្រោងវិនិយោគមាន លក្ខណៈ​សម្បត្តិ​គ្រប់​គ្រាន់ ​(គ.ល.គ.)។

ដើម្បីទប់ស្កាត់ការនាំចូលផលិតផលសម្រេច និងផលិតផលជិតសម្រេច ក្នុងគោល​បំណង​នាំ​ចេញ​ទៅ​កាន់​ទីផ្សារអន្តរជាតិ ជាពិសេស ទៅកាន់សហរដ្ឋអាមេរិក, អគ្គនាយកដ្ឋានគយ និងរដ្ឋាករ​កម្ពុជា បានធ្វើការណែនាំបន្ថែមមួយចចំនួនដូចជា៖ ត្រូវផ្តោតការយកចិត្តទុកដាក់ខ្ពស់ ក្នុង​ការ​ត្រួត​ពិនិត្យ​រូបវន្ត លើការនាំចូលធាតុ​ចូល​ផលិតកម្ម​របស់​គម្រោង​វិនិយោគ​មាន​លក្ខណៈ​សម្បត្តិ​គ្រប់​គ្រាន់ គ.ល.គ. ដែលផលិតសម្រាប់ នាំចេញទៅទីផ្សារសហរដ្ឋអាមេរិក, ករណីរកឃើញ​បទ​ល្មើស ​ត្រូវឃាត់ទុកនិងបន្តនីតិវិធីជាធរមានសម្រាប់ទំនិញល្មើស។

ដោយឡែក​ចំពោះទំនិញផ្សេងទៀត ដែលស្របតាមការប្រកាស ត្រូវសម្រួលជា​អតិបរមា​ដល់​ធុរជន ក្នុងការយកទំនិញទៅបម្រើខ្សែ ច្រវាក់ផលិតកម្ម៕ អត្ថបទ៖ សុន រ៉ាឌី