មន្រ្តីជាន់ខ្ពស់មួយរូបនិយាយកាលពីថ្ងៃពុធ ស្របពេលក្រុមមេដឹកនាំប្រារព្ធខួបរយៈពេល ៥០ឆ្នាំនៃការបង្កើតប្លុកមួយនេះនៅប្រទេសនីហ្សេរីយ៉ាថា ប្លុកប្រទេសសហគមន៍សេដ្ឋកិច្ចអាហ្រ្វិកខាងលិច(ECOWAS) ប្រឈមនឹងការគំរាមកំហែងកើនឡើងនៃអំពើភេរវកម្ម បម្រែបម្រួលអាកាសធាតុ រដ្ឋប្រហារយោធា និងភាពក្រីក្រ ។

អំពើហិង្សាជីហាដ បានហក់ឡើងខ្ពស់ក្នុងឆ្នាំនេះ នៅប្រទេសនីហ្សេរីយ៉ា និងតំបន់ Sahel រួមទាំងប្រទេសប៊ូគីណាហ្វាសូ ម៉ាលី និងប្រទេសនីហ៊្សេ គឺជាប្រទេសដែលបានផ្តាច់ខ្លួនកាលពីពេលកន្លងទៅពីប្លុកប្រទេស ECOWAS ជាការតវ៉ាចំពោះទណ្ឌកម្ម បន្ទាប់ពីរដ្ឋប្រហារយោធា ។

លោក Omar Alieu Touray គឺជាប្រធានគណៈកម្មការរបស់ ECOWAS និយាយថា ពេលពួកយើងប្រឈមការងារលំបាកបំផុតនោះ សព្វថ្ងៃនេះពួកយើប្រឈមអំពើភេរវកម្ម បម្រែបម្រួលអាកាសធាតុ និងការផ្លាស់ប្តូររដ្ឋាភិបាលមិនស្របតាមរដ្ឋធម្មនុញ្ញ ភាពក្រីក្រ និងភាពខុសគ្នាផ្នែកសេដ្ឋកិច្ច ហើយលោកបានបង្ហាញជំនឿចិត្តក្នុងការជំនះការងារលំបាកទាំងអស់នេះ ។

ដោយបង្កើតឡើនៅថ្ងៃទី ២៨ ខែឧសភា ឆ្នាំ ១៩៧៥ ប្លុកប្រទេសសេដ្ឋកិច្ច ECOWAS មានបំណងលើកកម្ពស់សមាហរណកម្មសេដ្ឋកិច្ចក្នុងតំបន់ កិច្ចសហប្រតិបត្តិការសន្តិសុខ សិទ្ធិមនុស្ស និងអភិបាលកិច្ចតាមបែបប្រជាធិបតេយ្យ ។

ទោះបីជាយ៉ាងអណាក៏ដោយ រយៈពេល ៥ទសវត្សរ៍ក្រោយមក របបសឹកយោធាបង្កើតឡើងនៅក្នុងរដ្ឋសមាជិកប៊ូគីណាហ្វាសូ ម៉ាលី និងនីហ៊្សេ បានផ្តាច់ខ្លួនចេញពីប្លុកមួយនេះ ដោយពួកគេលើកឡើងថា វាលែងបម្រើផលប្រយោជន៍របស់ពួកគេទៀតហើយ ។

ប្រទេសទាំងនេះ បានបង្កើនបក្សសម្ព័ន្ធរដ្ឋ Sahel និងសម្ព័ន្ធផ្ទាល់ខ្លួនរបស់ពួកគេ ដោយកាត់ផ្តាច់ទំនាក់ទំនងការទូត និងយោធាជាមួយប្រទេសមហាអំណាចលោកខាងលិច និងព្យាយាមស្វែងរកកិច្ចសហប្រតិបត្តិការជិតស្និតជាងមុនជាមួយរុស្ស៊ី ៕