នគរបាលបាននិយាយថា ជនសង្ស័យជាបុរសម្នាក់ ត្រូវបាននាំខ្លួនទៅកាន់មន្ទីរឃុំឃាំងកាលពីថ្ងៃអាទិត្យ បន្ទាប់ពីការវាយប្រហារដែលបានបណ្តាលឱ្យមនុស្សជាច្រើនរងរបួសរលាកនៅទីក្រុង Boulder រដ្ឋ Colorado ជាអ្វីដែលប្រមុខ FBI បានពិពណ៌នាថាជាអំពើភេរវកម្មកំណត់គោលដៅ។

ស្នងការនគរបាលទីក្រុង Boulder លោក Stephen Redfearn បាននិយាយថា ព័ត៌មានស្តីពីការវាយប្រហារ ដែលបានកើតឡើងនៅជិតបាតុកម្មមួយដើម្បីរំលឹកពីចំណាប់ថ្នូរជនជាតិអ៊ីស្រាអែល ដែលនៅបន្តឃុំខ្លួននៅក្នុងតំបន់ហ្កាហ្សាគឺ«ទង្វើដំបូងបំផុត»។

នាយក FBI លោក Kash Patel បានពណ៌នាឧបទ្ទវហេតុនេះថាជា «ការវាយប្រហារភេរវកម្មដាក់គោលដៅ» ហើយរដ្ឋអាជ្ញា រដ្ឋColorado លោក Phil Weiser បាននិយាយថា វាទំនងជា «ឧក្រិដ្ឋកម្មនៃភាពស្អប់ខ្ពើម ដែលបានធ្វើឲ្យក្រុមនេះកំណត់គោលដៅ»។

ឧបទ្ទវហេតុនេះ កើតឡើងក្នុងពេលដែលភាពតានតឹងកាន់តែខ្លាំងឡើងនៅក្នុងសហរដ្ឋអាមេរិក ជុំវិញសង្គ្រាមរបស់អ៊ីស្រាអែលនៅតំបន់ហ្កាហ្សា ដែលបានជំរុញទាំងការបង្កការកើនឡើងឧក្រិដ្ឋកម្មនៃភាពស្អប់ខ្ពើមប្រឆាំងជ្វីហ្វនិយម ព្រមទាំងសកម្មភាពរបស់អ្នកគាំទ្រអ៊ីស្រាអែលអភិរក្សនិយម ដឹកនាំដោយប្រធានាធិបតី លោក Donald Trump ដើម្បីបង្ហាញការតវ៉ាគាំទ្រប៉ាឡេស្ទីនថា ជាអ្នកប្រឆាំងជ្វីហ្វនិយម។