សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា បានផ្តល់អនុសាសន៍ណែនាំ ឲ្យរាជរដ្ឋាភិបាលខិតខំបន្ថែមទៀត ក្នុងការដោះស្រាយប្រព័ន្ធធារាសាស្រ្តទឹកជូនប្រជាពលរដ្ឋធ្វើកសិកម្ម ដើម្បីបង្កើនរដូវដាំដុះ ទាំងស្រូវ និងដំណាំដទៃទៀត ខណៈការលើកឡើងរបស់សម្តេចតេជោនេះ ក្នុងឱកាសបន្តដឹកនាំពិធីសមាជរដ្ឋសភា និងព្រឹទ្ធសភា នាថ្ងៃទី៣ ខែមិថុនា ឆ្នាំ២០២៥នេះ។

សម្តេចតេជោ ហ៊ុន សែន បានលើកឡើងថា បញ្ហាធំជាងគេនាពេលនេះ គឺត្រូវរកពិធីដោះស្រាយទឹកសម្រាប់វិស័យកសិកម្មជូនប្រជាកសិករបន្ថែមទៀត ដោយមិនអាចអត់បាននោះឡើយ ហើយប្រសិនបើធ្វើធារាសាស្រ្តទឹកបានកាន់តែច្រើនវិស័យកសិកម្មខ្មែរ នឹងកាន់តែលូតលាស់ មិនថាស្រូវនោះទេដំណាំអ្វីដទៃទៀតក៏ត្រូវការទឹកដូចគ្នាដែរ។

សម្តេចតេជោ ហ៊ុន សែន បានគូសបញ្ជាក់ថា«ការបើកបែបទូលាយគឺជាប្រពៃណីខ្មែររបស់យើង អាបែបស៊ីជម្រៅគឺត្រូវដោះស្រាយទឹកបង្កើនរដូវដាំដុះ ធ្វើប្រពលវប្បកម្មដើម្បីបង្កើនទិន្នផល ហើយធ្វើការកាត់បន្ថយការកាប់ព្រៃឈឺ ជាមួយនឹងការកើនឡើងនៃចំនួនមនុស្ស។ នេះជាទស្សនទាន ឬយុទ្ធសាស្រ្តកសិកម្ម...»។

នៅក្នុងកិច្ចអន្តរាគមន៍នៃពិធីសមាជ រដ្ឋសភា និងព្រឹទ្ធសភានេះដែរ សម្តេចតេជោ ហ៊ុន សែន ក៏បាន ណែនាំឲ្យរាជរដ្ឋាភិបាលខិតខំធ្វើយ៉ាងបង្កើនរដូវដាំដុះជូនប្រជាពលរដ្ឋ ពោលគឺពីមុនឧទាហរណ៍ស្រែមួយ ហិកតា ចិញ្ចឹមប្រជាពលរដ្ឋបានប្រាំនាក់ ឲ្យប្រែក្លាយទៅជា១០នាក់ឬ២០នាក់ ប៉ុន្តែការប្រក្លាយដីដាំដុះពី មួយដងទៅពីរ ឬបីដងនេះគឺចាំបាញ់បំផុតគឺត្រូវការទឹក ដូច្នេះត្រូវតែខិតខំធ្វើយ៉ាងណាដោះស្រាយប្រព័ន្ធ ទឹកនេះឲ្យខាងតែបាន៕ អត្ថបទបាន ចក់