ធនាគារកណ្តាលរបស់អូស្ត្រាលី បាននិយាយនៅថ្ងៃអង្គារ (០៣ មិថុនា) នេះថា ការយកពន្ធដ៏ខ្ពស់របស់សហរដ្ឋអាមេរិក នឹងអូសទម្លាក់សេដ្ឋកិច្ចពិភពលោក និងដាក់សម្ពាធដល់ការធ្លាក់ចុះដែលជិតមកដល់ ទៅលើតម្លៃទំនិញជួញដូរ ខណៈផលប៉ះពាល់អាក្រក់ពិតប្រាកដពិបាកនឹងវាយតម្លៃ ដោយសារភាពមិនច្បាស់លាស់នៃគោលនយោបាយ។

ជំនួយការទេសាភិបាលធនាគារកណ្តាលអូស្ត្រាលី (RBA) លោកស្រី Sarah Hunter បាននិយាយថា ធនាគារនឹងតាមដានយ៉ាងដិតដល់លើការវិវឌ្ឍនៃភាពមិនច្បាស់លាស់សកលចេញពីគោលនយោបាយពាណិជ្ជកម្មនេះ ដែលរំពឹងថានឹងនាំឱ្យមានការធ្លាក់ចុះនៃការវិនិយោគ ទិន្នផល និងវិស័យការងារ។

ផលប៉ះពាល់ដែលរំពឹងទុកចំពោះសេដ្ឋកិច្ចអូស្ត្រាលី និងទីផ្សារការងារ គឺជាហេតុផលមួយដែលធនាគារកណ្ដាល RBA កាត់បន្ថយអត្រាការប្រាក់ដល់កម្រិតទាបរយៈពេលពីរឆ្នាំគឺ ៣,៨៥% កាលពីខែមុន ហើយបានបើកទ្វារឆ្ពោះទៅរកការបន្ធូរបន្ថយគោលនយោបាយបន្ថែមទៀតនៅក្នុងប៉ុន្មានខែខាងមុខ។

យ៉ាងណាក៏ដោយ RBA ក៏បានវិនិច្ឆ័យថា ពន្ធនោះនឹងបំបាត់អតិផរណាសម្រាប់ប្រទេសអូស្ត្រាលីផងដែរ ខណៈអ្នកផលិតចិន ដែលប្រឈមមុខនឹងពន្ធខ្ពស់របស់សហរដ្ឋអាមេរិក ព្យាយាមបញ្ជូនផលិតផលរបស់ពួកគេទៅទីផ្សារផ្សេងទៀត។ អតិផរណាតម្លៃអ្នកប្រើប្រាស់សំខាន់ៗរបស់អូស្រា្តលី បានរក្សានៅ ២,៤% ក្នុងត្រីមាសទី១ និងវិធានការកាត់បន្ថយសំខាន់នៃអតិផរណាស្នូល បានថយមកត្រឹម ២,៩% ប្រហាក់ប្រហែលនឹងគោលដៅ RBA ពី ២% ទៅ ៣% ជាលើកដំបូងចាប់តាំងពីចុងឆ្នាំ២០២១មក៕