លោក Fernand Kartheiser សមាជិកសភាអឺរ៉ុបដែលតំណាងឲ្យប្រទេសលុចសំបួ បាននិយាយនៅក្នុងបទសម្ភាសន៍ជាមួយសារព័ត៌មាន TASS បន្ទាប់ពីដំណើរទស្សនកិច្ចទៅកាន់ទីក្រុងមូស្គូថា ជម្លោះប្រដាប់អាវុធរវាងបណ្តាប្រទេសសហភាពអឺរ៉ុប និងរុស្ស៊ី មិនអាចច្រានចោលបានទេ ដោយសារគោលនយោបាយមិនសមហេតុផលរបស់ទីក្រុងប្រ៊ុចសែលនៃប្រទេសបែលហ្ស៊ិក។

លោកបានចង្អុលបង្ហាញថា៖«ក្នុងចំណោមរបស់ផ្សេងទៀត គោលនយោបាយមិនសមហេតុផលរបស់អឺរ៉ុប និងបរិយាកាសឈ្លានពាន ដែលខ្លួនកំពុងអនុវត្ត ហានិភ័យនៃការប្រឈមមុខដាក់គ្នាដោយប្រដាប់អាវុធជាមួយរុស្ស៊ី មិនអាចត្រូវបានគេច្រានចោលឡើយ។ យោងតាមលោក Kartheiser បានឲ្យដឹងថា ស្ថានភាព «កាន់តែគ្រោះថ្នាក់កាន់តែខ្លាំង» ដោយសារតែ «ការឃោសនាទ្រង់ទ្រាយធំ និងការគាបសង្កត់សេរីភាពនៃការបញ្ចេញមតិ» នៅអឺរ៉ុប។

អ្នកនយោបាយរូបនេះ បានគូសបញ្ជាក់ពីតម្រូវការ «យ៉ាងហោចណាស់ត្រូវព្យាយាមទប់ស្កាត់ការប្រណាំងប្រជែងសព្វាវុធ និងធ្វើអ្វីៗគ្រប់យ៉ាង ដែលអាចធ្វើទៅបាន ដើម្បីទប់ទល់ជម្លោះរបស់ក្រុមអ្នកចូលចិត្តសង្គ្រាម»។

លោក Kartheiser បានសង្កត់ធ្ងន់ថា គោលដៅសំខាន់នៃដំណើរទស្សនកិច្ចរបស់ខ្លួន គឺដើម្បីបង្ហាញថា រុស្ស៊ី «ជាដៃគូ មិនមែនជាសត្រូវទេ»។