ស្វាយរៀង ÷ តំណាងពលរដ្ឋភូមិឫស្សីអម ភូមិព្រៃចំណារ និងភូមិស្មាច់ ឃុំខ្សែត ស្រុកកំពង់រោទ៏ ខេត្តស្វាយរៀង លោកស្រី គុណ ចន្ធី និងលោកស្រីថោង សាខន នៅថ្ងៃទី៤ ខែមិថុនា ឆ្នាំ២០២៥នេះ បានស្នើរដល់ក្រុមហ៊ុនម៉ៅការស្ថាបនាផ្លូវ(ហាក់ ហេង)ជួយពន្លឿនការងារជួសផ្លូវអោយបានឆាប់ដើម្បីដាក់អោយពួកគាត់ប្រើប្រាស់។

តំណាងដ៏ដែលបានបញ្ជាក់ថាការដែលពួកគាត់ចេញមកស្នើសុំពន្លឿនការងារជួសជុលផ្លូវ ពីព្រោះផ្លូវនេះជារៀងរាល់ថ្ងៃ ការធ្វើដំណើរ ការដឹកជញ្ជូន របស់ពលរដ្ឋ កម្មករ ពិសេសសិស្សានុសិស្ស ទៅសាលា មានការយឺតយ៉ាវយ៉ាងខ្លាំងដោយផ្លូវមានភាពមិនប្រក្រតី ជង្ហុក ក្រហេងក្រហូង ទឹកដកជាច្រើនកន្លែង។

ជុំវិញពលរដ្ឋស្នើសុំអោយក្រុមម៉ៅការដេញថ្លៃជួសជុលផ្លូវដែលមាននាម(ហាក់ហេង)ទូរស្សន៏ BTVបានព្យាយាមសាកសួរតាមទូរសព្ទ័ ដើម្បីសុំការពន្យល់ និងឆ្លើយតបមកពលរដ្ឋស្នើសុំពន្លឿនការជួសជុលផ្លូវជាច្រើនដង ទូរសព្ទហៅចូលតែគ្មានអ្នកលើក។ ទាក់ទងទៅនិងការស្នើសុំរបស់ពលរដ្ឋនេះដែរ btvបានសាកសួរតាមរយៈទូរសព្ទទៅលោកអ៊ុំ សាផន មេឃុំខ្សែត្រ និងជាម្ចាស់គម្រោងជួសជុលផ្លូវក្រាលថ្មបំបែក លោកបានប្រាប់ថា រឿងនេះលោកមិនទាន់ដឹងថាក្រុមការងារជួសជុលចុះធ្វើនៅពេលណានោះទេ ពីព្រោះផ្លូវនេះបច្ចុប្បន្នប្រឈម ខូចខាតខ្លាំង ហើយជួបប្រធានសាក់ភ្លៀង​ពិបាកដឹកដី ពិសេសពិបាកនាំសម្ភារៈសំណង់ដើម្បីធ្វើ ហេតុនេះហើយបានតែក្រុមហ៊ុនពន្លាពេលចូលធ្វើ ។