ចំនួនអ្នកស្លាប់បានកើនឡើងដល់១១នាក់ និងជាច្រើននាក់ទៀតរងរបួស ក្នុងហេតុការណ៍ប្រជ្រៀតគ្នានៅខាងក្រៅកីឡដ្ឋានកីឡាក្រិកឃីត (cricket) ក្នុងរដ្ឋ Karnataka ភាគខាងត្បូងប្រទេសឥណ្ឌា ដើម្បីអបអរជ័យជម្នះរបស់ក្រុមម្ចាស់ផ្ទះក្នុងព្រឹត្តិការណ៍ Indian Premier League (IPL) ដែលជាការប្រកួតកីឡា cricket 20 ដ៏ពេញល្បីល្បាញបំផុតរបស់ពិភពលោក ។

លោក Siddaramaiah រដ្ឋមន្ត្រីប្រចាំរដ្ឋ Karnataka របស់ប្រទេសឥណ្ឌាបាននិយាយកាលពីថ្ងៃពុធសប្ដាហ៍នេះ ថា គ្មាននរណាម្នាក់រំពឹងថានឹងមានហ្វូងមនុស្សដ៏ធំបែបនេះទេ។កីឡដ្ឋាននេះ អាចផ្ទុកមនុស្សបានតែ ៣៥.០០០នាក់ប៉ុណ្ណោះ ប៉ុន្តែមានមនុស្សចូលរួមចន្លោះពី ២០០.០០០ទៅ៣០០.០០០នាក់។

លោកបាននិយាយថា មនុស្ស១១នាក់បានស្លាប់ និង៣៣នាក់ផ្សេងទៀតរងរបួស។ឧបទ្ទវហេតុនេះបានកើតឡើងកាលពីព្រឹកថ្ងៃពុធសប្ដាហ៍នេះ ខណៈក្រុមអ្នកគាំទ្ររាប់ពាន់នាក់បានប្រមូលផ្តុំគ្នានៅខាងក្រៅកីឡដ្ឋាន M Chinnaswamy ក្នុងរដ្ឋធានី Bengaluru ។

ទូរទស្សន៍ NDTV របស់ប្រទេសឥណ្ឌាក៏បានរាយការណ៍ផងដែរថាមនុស្សយ៉ាងហោចណាស់១១នាក់បានស្លាប់។

លោក DK Shivakumar អនុរដ្ឋមន្ត្រីប្រចាំរដ្ឋ Karnataka បានប្រាប់អ្នកសារព័ត៌មានថាហ្វូងមនុស្សពិតជាមិនអាចគ្រប់គ្រងបាន៕