អធិការបតីអាល្លឺម៉ង់លោក Friedrich Merz និយាយនៅថ្ងៃសុក្រនេះថា អាល្លឺម៉ង់នៅតែពឹងផ្អែកសហរដ្ឋអាមេរិកនៅពេលអនាគត រយៈពេលប៉ុន្មានម៉ោងប៉ុណ្ណោះ ក្រោយរូបលោកវិលត្រឡប់ពីការបំពេញដំណើរទស្សនកិច្ចទៅកាន់ទីក្រុងវ៉ាស៊ីនតោនរបស់លោកវិញ ជាទីដែលលោកមាននូវកិច្ចប្រជុំជាមួយលោកប្រធានាធិបតី Donald Trump ។

លោក Merz និយាយនៅក្នុងសុន្ទរកថាអំឡុងព្រឹត្តការណ៍គ្រួសារសហគ្រិនថា មិនសំខាន់ថាពួកយើងចូលចិត្ត ឬមិនចូលចិត្តនោះទេ ពួកយើងនៅតែពឹងផ្អែកលើសហរដ្ឋអាមេរិក លើអាមេរិក សម្រាប់ពេលអនាគតខាងមុខ ។

លោក Merz និយាយផងដែរថា ក្រុមអ្នកវិទ្យាសាស្រ្តសហរដ្ឋអាមេរិក បានសួរខ្លួនឯងថា អឺរ៉ុប អាល្លឺម៉ង់អាចមិនមែនជាទីកន្លែងចាប់អារម្មណ៍សម្រាប់វិទ្យាសាស្រ្ត និងការស្រាវជ្រាវ ដោយផ្អែកលើទស្សនៈនៅតាមសាកលវិទ្យាល័យ ។

លោក Merz បញ្ជាក់ថា លោកបានពិភាក្សាបញ្ហាពន្ធសហរដ្ឋអាមេរិកជាមួយប្រធានាធិបតីអាមេរិក ដោយលោកនិយាយប្រាប់គាត់ថា រថយន្តផ្ទាល់ខ្លួនរបស់លោកការពិតណាស់ទៅបានផលិតនៅសហរដ្ឋអាមេរិក ហើយពន្ធនាំចូលនឹងធ្វើឲ្យប៉ះពាល់ដល់សេដ្ឋកិច្ចប្រទេសទាំង ២ ៕