សមាជិកសភាគណបក្សប្រជាធិបតេយ្យ កាលពីថ្ងៃអង្គារ ទី១០ ខែមិថុនា បានរិះគន់ខ្លាំងៗចំពោះការដាក់ពង្រាយកងកម្លាំងយោធានៅក្នុងទីក្រុង Los Angeles និងបង្ហាញការព្រួយបារម្ភសម្រាប់ចំណាត់ការផ្សេងទៀត ដែលលោកប្រធានាធិបតីសហរដ្ឋអាមេរិក Donald Trump អាចធ្វើនៅចំពោះមុខការតវ៉ាដែលនៅបន្ត។

សមាជិកគណបក្សប្រជាធិបតេយ្យមកពីរដ្ឋកាលីហ្វ័រនីញ៉ា និងតំណាងមកពីសមាជិកសភាក្រុមស្បែកខ្មៅ សមាជិកសភានិយាយភាសាអេស្ប៉ាញ និងតំណាងសភាអាស៊ីប៉ាស៊ីហ្វិកអាមេរិក បានបញ្ចេញមតិនៅក្នុងសន្និសីទសារព័ត៌មានដាច់ដោយឡែកពីគ្នា។



ទាំងអស់គ្នា បានគាំទ្រការអត្ថាធិប្បាយរបស់អ្នកតំណាង លោក Jimmy Gomez ដែលតំណាងឱ្យតំបន់នៅរដ្ឋកាលីហ្វ័រនីញ៉ា រួមមានទាំងតំបន់នៅទីក្រុង Los Angeles ដែលភាពវឹកវរកំពុងកើតឡើង។ លោក Gomez បាននិយាយថា «វាជាការប៉ុនប៉ងដោយចេតនារបស់លោក Trump ដើម្បីញុះញង់ឱ្យមានភាពវឹកវរ សាកល្បងដែនកំណត់នៃអំណាចប្រតិបត្តិ និងបង្វែរអារម្មណ៍ចេញពីការប្រើប្រាស់ដោយភាពគ្មានច្បាប់នៃរដ្ឋបាលរបស់លោក។

លោក បានបន្តបង្ហាញការព្រួយបារម្ភអំពីសក្ដានុពលរបស់លោក Trump ក្នុងការដាក់ច្បាប់អាជ្ញាសឹក ដើម្បីថ្កោលទោសអំពើហិង្សា និងប្រកាសពីសាមគ្គីភាពរបស់លោកជាមួយអ្នកតវ៉ាដោយសន្តិវិធី។