ការិយាល័យការបរទេសអង់គ្លេស បាននិយាយនៅក្នុងសេចក្តីថ្លែងការណ៍បង្ហោះលើគេហទំព័ររបស់ខ្លួននាថ្ងៃព្រហស្បតិ៍នេះថា អង់គ្លេសនឹងធ្វើការជាមួយក្រុមអាជ្ញាធរឥណ្ឌា ដើម្បីរកឲ្យឃើញភ្លាមៗការពិតនៅពីក្រោយហេតុការណ៍ធ្លាក់យន្តហោះរបស់ក្រុមហ៊ុនអាកាសចរណ៍ឥណ្ឌា ហើយនិងផ្តល់ការគាំទ្រដល់អ្នកជាប់ពាក់ព័ន្ធ ។ ជនជាតិអង់គ្លេសដែលត្រូវការជំនួយកុងស៊ុល ឬមានក្តីបារម្ភពីមិត្តភ័ក្តិ ឬគ្រួសារ សូមទាក់ទងមកលេខ ០២០ ៧០០៨ ៥០០០។

ជើងហោះហើរដែលបានចាកចេញពីទីក្រុង Ahmedabadស្ថិតនៅភាគខាងលិចប្រទេសឥណ្ឌា កាលពីវេលាម៉ោង ១ និង ៣៨នាទីរសៀលម៉ោងក្នុងស្រុក ថ្ងៃព្រហស្បតិ៍ ដឹកអ្នកដំណើរ និងអាកាសយានិកចំនួន ២៤២នាក់ នៅលើយន្តហោះ Boeing 787-8 ។ 

នៅក្នុងចំណោមពួកគេ មានជនជាតិឥណ្ឌា ១៦៩នាក់ ជនជាតិអង់គ្លេស ៥៣នាក់ ជនជាតិកាណាដាម្នាក់ និងជនជាតិព័រទុយហ្គាល់ ៧នាក់ ។ គ្រោះថ្នាក់ជាច្រើន ត្រូវបានគេព្រួយបារម្ភថានឹងកើតមាន ៕