មេដឹកនាំកំពូលអ៊ីរ៉ង់ លោក Ayatollah Ali Khamenei បានចេញសេចក្តីថ្លែងការណ៍មួយរាយការណ៍ដោយទីភ្នាក់ងារព័ត៌មាន IRNA ដែលគ្រប់គ្រងដោយរដ្ឋនៅថ្ងៃសុក្រ (១៣ មិថុនា) នេះ ដោយបញ្ជាក់ថា មន្ត្រីយោធាជាន់ខ្ពស់ និងអ្នកវិទ្យាសាស្ត្រជាច្រើននាក់ ត្រូវបានសម្លាប់ក្នុងការវាយប្រហាររបស់អ៊ីស្រអែល និងព្រមានថា "ការដាក់ទណ្ឌកម្មយ៉ាងធ្ងន់ធ្ងរ" នឹងត្រូវធ្វើឡើងលើអ៊ីស្រាអែល។

លោក Khamenei បាននិយាយថា អ៊ីស្រាអែល "បានបើកដៃដ៏អាក្រក់ និងប្រឡាក់ដោយឈាមរបស់ខ្លួន ហើយប្រព្រឹត្តឧក្រិដ្ឋកម្មនៅអ៊ីរ៉ង់ ដោយបង្ហាញឱ្យឃើញពីធម្មជាតិដ៏អាក្រក់របស់រដ្ឋជ្វីហ្វមួយនេះ ច្រើនជាងពេលណាៗទាំងអស់ ដោយការវាយលុកតំបន់លំនៅដ្ឋាន"។

អ៊ីស្រាអែល បានវាយប្រហាររដ្ឋធានីអ៊ីរ៉ង់ នៅព្រឹកថ្ងៃសុក្រនេះ ក្នុងការវាយប្រហារដែលដាក់គោលដៅលើកម្មវិធីនុយក្លេអ៊ែររបស់ប្រទេសនេះ និងបានបង្កើនលទ្ធភាពសម្រាប់សង្រ្គាមពេញបន្ទុករវាងសត្រូវមជ្ឈិមបូព៌ាដ៏ជូរចត់ទាំងពីរ។ នេះហាក់ដូចជាការវាយប្រហារដ៏សំខាន់បំផុតដែលអ៊ីរ៉ង់បានប្រឈមមុខ ចាប់តាំងពីសង្គ្រាមឆ្នាំ១៩៨០ របស់ខ្លួនជាមួយអ៊ីរ៉ាក់មក។

ទីតាំងជាច្រើននៅជុំវិញប្រទេសអ៊ីរ៉ង់ ត្រូវបានវាយប្រហារ រួមទាំងកន្លែងចម្រាញ់នុយក្លេអែរដ៏សំខាន់របស់ខ្លួន ដែលផ្សែងខ្មៅយ៉ាងឃ្មួលខ្មាញ់អាចត្រូវបានមើលឃើញថាហុយឡើងលើអាកាស។ ប្រមុខដឹកនាំឆ្មាំបដិវត្តន៍ប៉ារ៉ាអ៊ីរ៉ង់ ឧត្តមសេនីយ Hossein Salami ត្រូវបញ្ជាក់ថាបានស្លាប់ ចំណែកមន្ត្រីយោធាជាន់ខ្ពស់ជាច្រើន និងអ្នកវិទ្យាសាស្ត្រ ក៏ត្រូវជឿថាបានស្លាប់ផងដែរ។

ទូរទស្សន៍រដ្ឋអ៊ីរ៉ង់រាយការណ៍ថា ស្ថានការណ៍នេះនឹងក្លាយជាការវាយលុកដ៏ធំលើអំណាចគ្រប់គ្រងរបស់ទីក្រុងតេអេរ៉ង់ និងកំណើនភាពតានតឹងភ្លាមៗនៃជម្លោះដ៏រ៉ាំរ៉ៃរបស់ប្រទេសនេះ៕