ទីក្រុងប៉េកាំង បាននិយាយនៅថ្ងៃពុធនេះថា ពលរដ្ឋចិនជិត ៨០០នាក់ ត្រូវបានជម្លៀសចេញពីប្រទេសអ៊ី  រ៉ង់ ចាប់តាំងពីអ៊ីស្រាអែល បានចាប់ផ្តើមការវាយប្រហារដោយយោធាប្រឆាំងនឹងប្រទេសនេះ កាលពីសប្តាហ៍មុន។

អ្នកនាំពាក្យក្រសួងការបរទេសលោក Guo Jiakun បាននិយាយនៅក្នុងសន្និសីទសារព័ត៌មានជាទៀងទាត់ថា៖«បច្ចុប្បន្ន...ជនជាតិចិនចំនួន ៧៩១នាក់ ត្រូវបានផ្លាស់ប្តូរទីលំនៅពីប្រទេសអ៊ីរ៉ង់ ទៅកាន់តំបន់សុវត្ថិភាព»។

លោក Guo បានបន្ថែមថា៖«មនុស្សជាង ១.000នាក់ ផ្សេងទៀត កំពុងស្ថិតក្នុងដំណើរការផ្លាស់ប្តូរទីលំនៅ និងដកខ្លួនចេញ»។ លោកបាននិយាយថា ហើយជនជាតិចិនមួយចំនួន ក៏បានជម្លៀសចេញដោយសុវត្ថិភាព ពីអ៊ីស្រាអែលផងដែរ។

លោក Guo បានលើកឡើងថា៖«ប្រទេសចិនសម្តែងការអរគុណចំពោះប្រទេសពាក់ព័ន្ធសម្រាប់ការផ្តល់ការគាំទ្រ និងជំនួយយ៉ាងពេញទំហឹង»។

ជាមួយគ្នានេះដែរ ទូទស្សន៍ពាណិជ្ជកម្ម Fuji Television Network បានឲ្យដឹងនៅថ្ងៃពុធនេះថា រដ្ឋាភិ  បាលជប៉ុន បានចាប់ផ្តើមរៀបចំការបញ្ជូនយន្តហោះយោធាទៅកាន់ប្រទេសជីប៊ូទី (Djibouti) ដែល   ជាផ្នែកនៃកិច្ចខិតខំប្រឹងប្រែងរបស់ខ្លួន ដើម្បីជួយជនជាតិជប៉ុន ក្នុងប្រទេសអ៊ីរ៉ង់ និងអ៊ីស្រាអែលជម្លៀសចេញ។