ប្រធានាធិបតីអាមេរិក លោក ដូណាល់ ត្រាំ អះអាងថា អ៊ីស្រាអែលគ្រប់គ្រងទាំងស្រុងលើដែនអាកាសរបស់អ៊ីរ៉ង់។

លោកបានសរសេរនៅលើទំព័ររបស់ខ្លួននៅលើបណ្តាញសង្គម Truth ថា៖«ឥឡូវនេះ យើងមានការគ្រប់គ្រងទាំងស្រុង និងពេញលេញលើផ្ទៃមេឃពីខាងលើប្រទេសអ៊ីរ៉ង់»។ សហរដ្ឋអាមេរិក បាននិយាយម្តងហើយម្តងទៀតថា ខ្លួនមិនបានជួយដល់ប្រតិបត្តិការយោធារបស់អ៊ីស្រាអែលប្រឆាំងនឹងអ៊ីរ៉ង់ទេ។

មេដឹកនាំអាមេរិករូបនេះ ក៏បានកត់សម្គាល់ផងដែរថា សាធារណរដ្ឋឥស្លាម មានគ្រឿងយុទ្ធោបករណ៍ យ៉ាងច្រើនណាស់។ ទោះយ៉ាងណាក៏ដោយ លោកបានអះអាងថា ប្រទេសនេះ មិនអាចប្រៀបធៀប ជាមួយនឹងអាវុធដែលផលិតដោយអាមេរិកបានទេស។

កាលពីយប់ថ្ងៃទី ១៣ ខែមិថុនា អ៊ីស្រាអែល បានចាប់ផ្តើមប្រតិបត្តិការតោងើបរបស់ខ្លួន ដោយកំណត់គោលដៅលើកម្មវិធីនុយក្លេអ៊ែររបស់អ៊ីរ៉ង់។ អ៊ីរ៉ង់បានឆ្លើយតបក្នុងរយៈពេលតិចជាង ២៤ម៉ោង។ អ៊ីស្រាអែលនិងអ៊ីរ៉ង់ បានវាយប្រហារគ្នាម្តងទៀត នៅប៉ុន្មានថ្ងៃក្រោយមក។ ភាគីទាំងពីរបានរាយការណ៍ពីជនរងគ្រោះ និងការខូចខាត ហើយបានទទួលស្គាល់ថា សម្ភារៈមួយចំនួននៅលើទឹកដីរបស់ពួកគេ ត្រូវបានរងការខូចខាត ប៉ុន្តែបានបញ្ជាក់ថា ការខូចខាតមានកម្រិត។