តំណាងមកពីប្រទេសកុងហ្គោ និងរ្វ៉ាន់ដា បានចុះហត្ថលេខាលើអត្ថបទនៃកិច្ចព្រមព្រៀងសន្តិភាពរវាងប្រទេសទាំងពីរ នៅក្នុងទីក្រុងវ៉ាស៊ីនតោន។ នេះបើយោងតាមសេចក្តីប្រកាសព័ត៌មានរួមរបស់ប្រទេស ទាំងពីរ និងក្រសួងការបរទេសសហរដ្ឋអាមេរិក កាលពីថ្ងៃពុធ។

កុងហ្គោបានចោទប្រកាន់ប្រទេសរ្វ៉ាន់ដាថា បានគាំទ្រក្រុមឧទ្ទាម M23 នៅភាគខាងកើតនៃប្រទេស។ អ្នកជំនាញអង្គការសហប្រជាជាតិ និយាយថា ក្រុមឧទ្ទាមនេះ ត្រូវបានគាំទ្រដោយទាហានប្រហែល ៤.000 នាក់ មកពីប្រទេសជិតខាង។

ជម្លោះរយៈពេលជាច្រើនទស្សវត្សរ៍ បានកើនឡើង នៅក្នុងខែមករា នៅពេលដែលក្រុមឧទ្ទាម M23 បានរុលទៅមុខ និងដណ្តើមយកទីក្រុង Goma ដែលជាយុទ្ធសាស្ត្ររបស់កុងហ្គោ បន្ទាប់មកទីក្រុង Bukavu ក្នុងខែកុម្ភៈ។

សេចក្តីថ្លែងការណ៍ដែលបានបង្ហោះនៅលើគេហទំព័ររបស់ក្រសួងការបរទេស បានបញ្ជាក់ថា៖«កិច្ចព្រមព្រៀងនេះ រួមបញ្ចូលទាំងបទប្បញ្ញត្តិស្តីពីការគោរពចំពោះបូរណភាពទឹកដី និងការហាមឃាត់អរិភាព ការបំបែកខ្លួន ការរំសាយអាវុធ និងការធ្វើសមាហរណកម្មតាមលក្ខខណ្ឌនៃក្រុមប្រដាប់អាវុធមិនមែនរដ្ឋ»។The agreement signed included a commitment to respecting territorial integrity កិច្ចព្រមព្រៀងដែលបានចុះហត្ថលេខារួមមានការប្តេជ្ញាចិត្តចំពោះការគោរពបូរណភាពទឹកដី និងការធ្វើសមាហរណកម្មតាមលក្ខខណ្ឌនៃក្រុមប្រដាប់អាវុធមិនមែនរដ្ឋ។ ភាគីទាំងពីរ ក៏បានប្តេជ្ញាក្នុងកិច្ចប្រជុំថ្នាក់រដ្ឋមន្ត្រីនៅសប្តាហ៍ក្រោយ ហើយបានអញ្ជើញមេដឹកនាំនៃប្រទេសទាំងពីរ ចូលរួមផងដែរ។

គួរបញ្ជាក់ដែរថា នេះមិនមែនជាលើកទី១ ដែលការចរចាសន្តិភាព ត្រូវបានធ្វើឡើងនោះ។ កិច្ចពិភាក្សាដែលរៀបចំដោយប្រទេសកាតា ក្នុងខែមេសា បានបរាជ័យជាផ្នែក។