ទីភ្នាក់ងារសារព័ត៌មាន Fars បានរាយការណ៍ថា កងកម្លាំងប្រដាប់អាវុធអ៊ីរ៉ង់ បានប្រាប់បុគ្គលិកនៃទូរទស្សន៍ប៉ុស្តិ៍លេខ 14 របស់អ៊ីស្រាអែល ឲ្យចាកចេញពីការិយាល័យរបស់ពួកគេ ខណៈដែលពួកគេអាចរងការវាយប្រហារ ក្នុងពេលឆាប់ៗនេះ។

យោងតាមរបាយការណ៍ ទីក្រុងតេអេរ៉ង់ ចាត់ទុកប៉ុស្តិ៍ទូរទស្សន៍នេះថា ជាមជ្ឈមណ្ឌលនៃ «ការឃោសនា និងគាំទ្រចំពោះអំពើភេរវកម្ម» ហើយបានព្រមានថា នាពេលខាងមុខ វាអាចក្លាយជាគោលដៅនៃការវាយប្រហារដោយមីស៊ីលរបស់អ៊ីរ៉ង់។ អ៊ីរ៉ង់បាននិយាយថា បុគ្គលិកគួរតែ «ជម្លៀសចេញជាបន្ទាន់»។

កាលពីយប់ថ្ងៃទី ១៣ ខែមិថុនា អ៊ីស្រាអែល បានចាប់ផ្តើមប្រតិបត្តិការតោងើបរបស់ខ្លួន ដោយកំណត់គោលដៅលើកម្មវិធីនុយក្លេអ៊ែររបស់អ៊ីរ៉ង់។ អ៊ីរ៉ង់បានឆ្លើយតបក្នុងរយៈពេលតិចជាង ២៤ម៉ោង។ ទីក្រុងតែលអាវីវ និងទីក្រុងតេអេរ៉ង់ បានវាយប្រហារគ្នាម្តងទៀត នៅប៉ុន្មានថ្ងៃក្រោយមក។ ភាគីទាំងពីរ បានរាយការណ៍ពីចំនយនអ្នកស្លាប់និងរបួស និងការខូចខាតដែលបណ្តាលមកពីការវាយប្រហារទាំងនេះ ហើយបានទទួលស្គាល់ថា គោលដៅជាច្រើននៅលើទឹករបស់ពួកគេ បានរងការវាយប្រហារ ទោះបីជាយ៉ាងក៏ដោយ ពួកគេបានអះអាងថា ការខូចខាតនោះ មានកម្រិត ហើយការវាយប្រហារទៅវិញទៅមក នៅកំពុងបន្ត។