ប្រទេសបារ៉ែន និងចក្រភពអង់គ្លេស បានឈានដល់ចុះកិច្ចព្រមព្រៀងធំៗចំនួនពីរ កាលពីថ្ងៃព្រហស្បតិ៍ ក្នុងអំឡុងដំណើរទស្សនកិច្ចផ្លូវការ ទៅកាន់ទីក្រុងឡុងដ៍ ដោយព្រះអង្គម្ចាស់ Salman bin Hamad Al-Khalifa។

ក្នុងដំណើរទស្សនកិច្ចទៅកាន់សភាទីក្រុងឡុងដ៦ ដើម្បីពិភាក្សាជាមួយនាយករដ្ឋមន្ត្រីអង់គ្លេសលោក Keir Starmer ព្រះអង្គម្ចាស់ និងម្ចាស់ផ្ទះរបស់ព្រះអង្គ បានដឹកនាំការចុះហត្ថលេខាលើភាពជាដៃគូវិនិយោគនិងកិច្ចសហប្រតិបត្តិការជាយុទ្ធសាស្ត្រ ដែលត្រូវបាននិយាយថា ជាការបន្តក្របខ័ណ្ឌការងារ សម្រាប់ការវិនិយោគទ្វេភាគីរវាងប្រទេសរបស់ពួកគេ។

មន្ត្រីបាននិយាយថា កិច្ចព្រមព្រៀងនេះ នឹងអនុញ្ញាតឲ្យមានការវិនិយោគចំនួន ២ពាន់លានផោន (២,៧ពាន់លានដុល្លារ) ដោយវិស័យឯកជនរបស់ប្រទេសបារ៉ែន នៅក្នុងវិស័យសំខាន់ៗរបស់ចក្រភពអង់គ្លេស រួមទាំងសេវាកម្មហិរញ្ញវត្ថុ បច្ចេកវិទ្យា ការផលិត និងការបំបែកសារធាតុកាបូន។ កិច្ចព្រមព្រៀងនេះ ត្រូវបានចុះហត្ថលេខាដោយរដ្ឋមន្ត្រីហិរញ្ញវត្ថុរបស់ប្រទេសបារ៉ែនលោក Sheikh Salman bin Khalifa Al-Khalifa និងរដ្ឋមន្ត្រីសេដ្ឋកិច្ចអង់គ្លេសលោក Rachel Reeves។

យោងទៅតាមមន្ត្រីបានឲ្យដឹងថា កិច្ចព្រមព្រៀងទី២ គឺជាកិច្ចព្រមព្រៀងសហប្រតិបត្តិការការពារជាតិ មានបំណងបង្កើនអន្តរប្រតិបត្តិការ និងការហ្វឹកហ្វឺនរួមគ្នារវាងកងកម្លាំងប្រដាប់អាវុធរបស់ប្រទេស ដោយកសាងលើមូលដ្ឋានគ្រឹះនៃភាពជាដៃគូកងទ័ពជើងទឹកដ៏រឹងមាំរួចទៅហើយ។ កិច្ចព្រមព្រៀងនេះដែរ ត្រូវបានចុះហត្ថលេខាដោយរដ្ឋមន្ត្រីការពារជាតិលោក ឧត្តមសេនីយ៍ទោ Abdullah Al-Nuaimi និង រដ្ឋមន្ត្រីការពារជាតិអង់គ្លេសលោក John Healey។