យោធាបាននិយាយកាលពីថ្ងៃចន្ទទី២៣ មិថុនាថា កងទ័ពនិងនគរបាលកូឡុំប៊ី បានជួយសង្គ្រោះទាហាន៥៧នាក់ដែលត្រូវបានឃុំខ្លួនរយៈពេលពីរថ្ងៃនៅក្នុងតំបន់ភ្នំភាគនិរតី ដែលស្ថិតនៅក្រោមសម្ពាធពីក្រុមទ័ពព្រៃឆ្វេងនិយម។

ទាហានទាំង៥៧នាក់ព ត្រូវបានឃុំខ្លួននៅជិតភូមិ El Plateado ក្នុងខេត្ត Cauca ជាតំបន់យុទ្ធសាស្ត្រសម្រាប់ការជួញដូរគ្រឿងញៀន ដែលកងកម្លាំងសន្តិសុខបានចាប់ផ្តើមធ្វើប្រតិបត្តិការក្នុងខែតុលា ឆ្នាំ២០២៤ ដើម្បីវាយរុញច្រានក្រុមប្រដាប់អាវុធខុសច្បាប់។

តំបន់នេះ ជាទីតាំងលាក់ខ្លួនរឹងមាំរបស់ក្រុមប្រឆាំងនៃអតីតក្រុមទ័ពព្រៃឧទ្ទាមហ្វាក(FARC) ដែលបានច្រានចោលកិច្ចព្រមព្រៀងសន្តិភាពឆ្នាំ ២០១៦។ អាជ្ញាធរ បានចោទក្រុមនេះថាបានជ្រើសរើសអនីតិជន និងបានដាក់សម្ពាធលើជនស៊ីវិលឲ្យទប់ទល់នឹងវត្តមានរបស់កងកម្លាំងរដ្ឋ។