ភ្នំពេញ៖ លោកជំទាវ សុភ័គ្គ ថាវី ប្រធានក្រុមការងារចុះជួយសង្កាត់និរោធ បានជំរុញសមាជិក សមាជិកាគណបក្សប្រជាជនកម្ពុជា (CPP) សង្កាត់រោធ ត្រូវបន្តកៀរគរអ្នកគាំទ្រ និងធ្វើឲ្យពួកគាត់ជឿទុកចិត្តលើការដឹកនាំ និងបន្តបោះឆ្នោតគាំទ្រ CPP ឆ្ពោះទៅរកបន្តការឈ្នះឆ្នោតជ្រើសរើសក្រុមប្រឹក្សាឃុំសង្កាត់ ឆ្នាំ២០២២ និងការបោះឆ្នោតជ្រើសរើសតំណាងរាស្ត្រ ឆ្នាំ២០២៣។
ក្នុងពិធីប្រកាសបញ្ចូលសមាជិក CPP ចំនួន៣០០នាក់ ក្នុងសង្កាត់និរោធ នៅថ្ងៃទី៣០ ខែធ្នូ ឆ្នាំ២០២១ លោកជំទាវ សុភ័គ្គ ថាវី បានមានប្រសាសន៍ថា ជាការសម្រេចចិត្តដ៏ត្រឹមត្រូវរបស់បងប្អូនជាសមាជិកថ្មី ក្នុងការមករួមរស់នយោបាយ ជាមួយគណបក្សប្រជាជនកម្ពុជា ខណៈ រាជរដ្ឋាភិបាលបច្ចុប្បន្ន គ្រប់គ្រងដោយ CPP ដែលបានគិតគូរពីសុខទុក្ខរបស់ពលរដ្ឋ ហើយខិតខំដោះស្រាយបញ្ហាជូនប្រជាពលរដ្ឋ និងជាតិ រួមទាំងអភិវឌ្ឍន៍ប្រទេសឲ្យមានការរីកចម្រើនលើគ្រប់វិស័យ។
លោកជំទាវ បន្តថា នៅពេលបងប្អូនមកចូលរួមជាមួយគណបក្ស ត្រូវតែមានសាមគ្គីផ្ទៃក្នុង ធ្វើអំពើល្អជាមួយពលរដ្ឋមូលដ្ឋាន បន្តកៀរគរពលរដ្ឋផ្សេងៗចូលរួមគាំទ្រ និងបោះឆ្នោតជូន CPP ដើម្បីបានឈ្នះឆ្នោត បន្តដឹកនាំប្រទេសជាតិ និងអភិវឌ្ឍប្រទេសឲ្យកាន់តែរីកចម្រើន។
ក្នុងពេលចូលរូមរស់នយោបាយជាមួយគណបក្សប្រជាជនកម្ពុជា តំណាងសមាជិកថ្មីបានប្ដេជ្ញាខិតខំប្រតិបត្តិឲ្យបានត្រឹមត្រូវតាមលក្ខន្តិកៈ កម្មវិធីនយោបាយរបស់ CPP ពង្រីកសមាជិកថ្មី ពិសេសយុវជនមានឈ្មោះបោះឆ្នោត និងកម្លាំងរបស់អតីតគណបក្សសង្គ្រោះជាតិ។
ពួកគេបន្តថា ខិតខំពង្រឹងសាមគ្គីភាព ឯកភាពផ្ទៃក្នុងឲ្យបាល្អប្រសើរ តាំងពីថ្នាក់សង្កាត់ រហូតដល់ក្រុមបក្ស និងខិតខំឲ្យបានខ្លាំងក្លា មានប្រសិទ្ធភាពខ្ពស់ ការអនុវត្តគោលនយោបាយឃុំសង្កាត់មានសុវត្ថិភាព ទាំង៧ចំណុច៕ អត្ថបទ៖ ចក់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
