ជនប៉ាឡេស្ទីន ៤៣នាក់ ត្រូវបានសម្លាប់ នៅទូទាំងតំបន់ហ្កាហ្សា នៅក្នុងការវាយប្រហាររបស់អ៊ីស្រាអែល ដែលមានគោលដៅលើក្រុមអ្នកស្វែងរកជំនួយស្បៀងអាហារ និងមនុស្សជម្លៀសខ្លួននៅក្នុងជំរំសំពត់តង់ ខណៈពេលដែលប្រធានាធិបតីសហរដ្ឋអាមេរិកលោក Donald Trump និយាយថា អ៊ីស្រាអែល បានយល់ព្រមបទឈប់បាញ់នៅដែនដីមួយនេះ ។

ជនប៉ាឡេស្ទីនជាង ៦០០នាក់ ត្រូវបានសម្លាប់នៅក្នុងរយៈពេល ៥សប្តាហ៍ អំឡុងពេលដែលពួកគេរង់ចាំជំនួយស្បៀងអាហារនៅតាមទីតាំងចែកចាយជំនួយរបស់មូលនិធិមនុស្សធម៌ហ្កាហ្សាគាំទ្រដោយសហរដ្ឋអាមេរិក និងអ៊ីស្រាអែល ។

ស្ថានភាពនៅតែតានតឹងដដែល នៅពេលដែលអ៊ីស្រាអែលបន្តបើកការវាយប្រហារតាមច្រកអាកាស នៅតំបន់ភាគកណ្តាលហ្កាហ្សា និងតំបន់ជាច្រើនទៀត ។

នៅលើដី មាននូវការពង្រីកប្រតិបត្តិការជើងគោលផងដែរនៅតាមទីក្រុងជាច្រើន រួមទាំងនៅទីក្រុង Jabalia, Beit Lahiya, Beit Hanoon និងតំបន់ភាគខាងកើតទីក្រុងហ្កាហ្សា ដែលក្លាយជាកម្មវត្ថុនៃប្រតិបត្តិការយោធាដ៏ខ្លាំងក្លារបស់អ៊ីស្រាអែល ៕