​បាល់ទាត់៖ ​ក្រុម​តោ​ខៀវ Chelsea បាន​តាម​ពី​ក្រោយ ២គ្រាប់​រហូត​ស្មើ ២-២ ទល់នឹង​ក្រុម​ភ្ញៀវ​ហង្ស​ក្រហម Liverpool ដែល​ធ្វើឱ្យ​ក្រុម​កំពូល​តារាង Manchester City ឡើង​នាំមុខ​ដាច់​ដល់​ទៅ ១០ពិន្ទុ​។ ​​អ្នកចាត់ការ Liverpool លោក Jurgen Klopp អវត្តមាន​ពី​ការប្រកួត​នេះ​ក្រោយ​សង្ស័យ​ឆ្លង Covid-19 ស្របពេល Chelsea មិន​ដាក់ Lukaku ដែល​មិន​សប្បាយចិត្ត​ចង់​ចាក​ចេញទៅ Inter Milan វិញ​។

​​Liverpool រកបាន​គ្រាប់​នាំមុខ ២​គ្រាប់​មុន​ដោយ Sadio Mane និង Mohamed Salah តែ​ក្នុង​វគ្គ​ទី១ ដដែល Chelsea តាម​ស្មើ​វិញ​ ២​គ្រាប់​ចុងក្រោយ​ម៉ោង​ដោយ Mateo Kovacic និង Christian Pulisic​។ ​​លទ្ធផល​ស្មើគ្នា​នេះ​ធ្វើឱ្យ Liverpool បន្ត​ឈរ​លេខ៣ មាន ៤២ពិន្ទុ​ក្រោយ​លេង​បាន ២០ប្រកួត​ឯ Chelsea លេខ​២ ​មាន ៤៣ពិន្ទុ​ក្រោយ​លេង​បាន ២១ប្រកួត ​ខណៈ Manchester City នាំមុខ​ដាច់ ១០ពិន្ទុ​មាន​សរុប ៥៣ពិន្ទុ​ពីការប្រកួត ២១លើក​។ ​​ប្រកួត​បន្ទាប់ Manchester City ជួប Chelsea នៅ​ថ្ងៃទី១៥ ខណៈ Liverpool ជួប Brentford នៅ​ថ្ងៃទី១៦ ខែមករា​នេះ​៕

​អត្ថបទ​៖​នាង សុភា​វុ​ធ