សភាអាមេរិកបានអនុម័តច្បាប់ពន្ធ និងការចំណាយដ៏ធំ ដែលហៅថា (big beautiful bill) របស់លោក Donald Trump នៅក្នុងជ័យជម្នះដ៏ធំ និងការតស៊ូដ៏លំបាកសម្រាប់ប្រធានាធិបតី និងរបៀបវារៈក្នុងប្រទេសរបស់លោក។

បន្ទាប់ពីសម័យប្រជុំដ៏ស្វិតស្វាញមួយនៅវិមាន Capitol សភាតំណាងរាស្រ្តបានអនុម័តសេចក្ដីស្នើច្បាប់នេះដោយសំឡេង ២១៨ ទល់នឹង២១៤ កាលពីរសៀលថ្ងៃព្រហស្បតិ៍សប្ដាហ៍នេះ ។ព្រឹទ្ធសភាដែលគ្រប់គ្រងដោយបក្សសាធារណរដ្ឋបានអនុម័តសេចក្ដីស្នើច្បាប់នេះ ក្នុងសំឡេងគាំទ្រ ៥១ទល់នឹង៥០ សំឡេង បន្ទាប់ពីដំណើរការបោះឆ្នោតដ៏រយូរដែលបានចាប់ផ្តើមកាលពីព្រឹកថ្ងៃចន្ទដើមសប្ដាហ៍នេះ។

លោក Trump បានទុកពេលឱ្យសភាដែលគ្រប់គ្រងដោយគណបក្សសាធារណរដ្ឋនូវកាលបរិច្ឆេទផុតកំណត់នៅថ្ងៃទី ៤ ខែកក្កដាដើម្បីបញ្ជូនឲ្យរូបលោកនូវការសម្រេចចុងក្រោយនៃសេចក្ដីស្នើច្បាប់នេះក្នុងការចុះហត្ថលេខាក្លាយជាច្បាប់ពេញលេញ។

ការិយាល័យថវិកាសភាប៉ាន់ប្រមាណថាសេចក្ដីស្នើច្បាប់នេះអាចបន្ថែម៣,៣សែនកោដិដុល្លារដល់ឱនភាពសហព័ន្ធក្នុងរយៈពេល ១០ ឆ្នាំខាងមុខ ហើយបណ្ដាលឱ្យមនុស្សរាប់លាននាក់ដោយគ្មានការធានារ៉ាប់រងសុខភាព ជាការព្យាករណ៍ដែលសេតវិមានបានខ្វែងគំនិតគ្នាយ៉ាងខ្លាំង។

ថ្លែងទៅកាន់អ្នកសារព័ត៌មានកាលពីល្ងាចថ្ងៃព្រហស្បតិ៍ លោក Trump បាននិយាយថា ច្បាប់នេះនឹង ប្រែក្លាយប្រទេសនេះទៅជាយានចម្លង ។

ច្បាប់នេះគឺជាចុងក្រោយបង្អស់នៃជ័យជម្នះដ៏ធំជាបន្តបន្ទាប់សម្រាប់លោក Trump រួមទាំងសេចក្តីសម្រេចរបស់តុលាការកំពូលកាលពីសប្តាហ៍មុន ដែលបានរារាំងចៅក្រមសហព័ន្ធតែម្នាក់ឯងពីការរារាំងគោលនយោបាយរបស់លោក និងការវាយប្រហារតាមអាកាសរបស់សហរដ្ឋអាមេរិកដែលនាំឱ្យមានបទឈប់បាញ់រវាងអ៊ីស្រាអែល និងអ៊ីរ៉ង់៕