ភ្នំពេញ៖ ក្រុមហ៊ុន ខេភី (KP) ម៉ន ដានី បានបញ្ជាក់ឲ្យដឹងថា គ្រប់អតិថិជនទាំងអស់ដែលបានជាវផ្ទះពីក្រុមហ៊ុន នៅតែទទួលបានសន្លឹកឆ្នោតដើម្បីផ្សងសំណាង និងមានឱកាសឈ្នះរង្វាន់ដ៏អស្ចារ្យពីក្រុមហ៊ុន គឺរង្វាន់ផ្ទះវីឡាដ៏ទំនើបទាន់សម័យ ខណៈដែលក្នុងឱកាសឆ្នាំថ្មី ឆ្នាំ២០២២នេះ បុរី KP ម៉ន ដានី បានប្រគល់រង្វាន់វីឡាចំនួន១០ ជូនអតិថិជនមហាសំណាង។  

លោក ឃុនថាវង្ស ផងផាន់ និងលោកស្រី ម៉ន ដានី ម្ចាស់លំនៅដ្ឋានវីឡា ខេភី ម៉ន ដានី បានមានប្រសាសន៍ថា ផ្ទះវីឡា គ្រប់ប្រភេទរបស់ KP គឺមានតម្លៃចាប់ពី ២២.០០០ដុល្លារ ដល់ ៤៤.០០០ដុល្លារ ក្រៅពីតម្លៃដ៏ពិសេសនេះហើយ បុរីក៏មានផ្តល់ជូនថែមទៀតនូវសម្ភារៈទំនើបៗជាច្រើនផ្សេងទៀតជូនដល់អតិថិជន ព្រោះថា ចក្ខុវិស័យរបស់ KP ម៉ន ដានី មិនត្រឹមតែផ្តល់លំនៅដ្ឋានទំនើបប៉ុណ្ណោះទេ តែជាការផ្តល់នូវឱកាសវិនិយោគដែលមានប្រាក់ចំណេញខ្ពស់ក្នុងរយៈពេលឆាប់ជូនអតិថិជនដែលតែងតែគាំទ្រ KP ម៉ន ដានី ផងដែរ។

លោក ឃុនថាវង្ស ផងផាន់ បានលើកឡើងបន្តថា ភាពជោគជ័យនៃការចាក់វ៉ាក់សាំង និងការបើកប្រទេសបានលឿនរបស់កម្ពុជានឹងជំរុញដល់ការងើបឡើងវិញនៃសេដ្ឋកិច្ចយ៉ាងឆាប់រហ័ ក្នុងនោះក៏រួមបញ្ចូលទាំងវិស័យសំណង់ និងអចលនទ្រព្យ ដែលនឹងធ្វើឱ្យអំណាចទិញ (purchasing power) នៅក្នុងវិស័យនេះស្ទុះឡើងកាន់តែខ្លាំងដែលនឹងនាំប្រាក់ចំណេញខ្ពស់ក្នុងរយៈពេលខ្លីជូនអតិថិជន។

សូមបញ្ជាក់ថា បុរី KP ម៉ន ដានី មានទីតាំងតាមបណ្តោយផ្លូវជាតិលេខ៣ ស្ថិតនៅភូមិភានសា ឃុំព្រះនិពា្វន្ត ស្រុកគងពិសី ខេត្តកំពង់ស្ពឺ និងមានចម្ងាយត្រឹមតែ ២៩គីឡូម៉ែត្រប៉ុណ្ណោះ ពីទីក្រុងភ្នំពេញ។ ផ្លូវជាតិលេខ៣ គឺជាបណ្តុំនៃសកម្មភាពសេដ្ឋកិច្ច ដែលមានការអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ កំណើនប្រជាជន បណ្តុំរោងចក្រសហគ្រាស និងជាផ្លូវតភ្ជាប់ដ៏សំខាន់មួយទៅកាន់ប៉ូលសេដ្ឋកិច្ចសំខាន់ៗដូចជាខេត្តព្រះសីហនុ កំពត កែប និងទៅកាន់ប្រទេសវៀតណាម ជាពិសេសជាផ្លូវសម្រាប់ទេសចរឆ្លងកាត់ដ៏មមាញឹក។ លំនៅដ្ឋានវីឡាប្រណីត KP ម៉ន ដានី ជាផ្ទះវីឡាទំនើបអមដោយរុក្ខជាតិបៃតងស្រងាត់ ហ៊ុមព័ទ្ធដោយបឹង ទីធ្លាហាត់ប្រាណលំហែកាយ ចំងាយតែ១គីឡូម៉ែត្រពីផ្លូវក្រវ៉ាត់ក្រុងទី៣។ គិតមកដល់ពេលនេះ គម្រោងបុរី KP ម៉ន ដានី ផ្លូវជាតិលេខ៣ បានលក់ចេញអស់ ៨០ភាគរយហើយ ក្នុងចំណោមផ្ទះសរុបចំនួន ៥ ០០០ខ្នង៕ អត្ថបទ ៖ បូរ៉ាវី