នៅថ្ងៃពុធនេះ ជីដូនប៉ាឡេស្ទីន បានកាន់ទុក្ខសមាជិកគ្រួសារ ១០នាក់របស់គាត់ ដែលត្រូវបានសម្លាប់នៅក្នុងការវាយប្រហាររបស់អ៊ីស្រាអែលលើសំពត់តង់ដែលជាទីជម្រកមនុស្សជម្លៀសខ្លួនក្នុងទីក្រុង Khan Younis ។ 

លោកយាយ Mohammed Shaabanដែលសមាជិកគ្រួសាររបស់គាត់ ១០នាក់ ត្រូវបានសម្លាប់នោះ និយាយថា គាត់បានឮសំឡេងវាយប្រហារ គាត់បានរត់ទៅកន្លែងរត់ភ្លើង និងបានឃើញកូនគាត់ទាំងអស់ ក្លាយជាទុក្ករបុគ្គល ។ ចៅស្រី និងចៅប្រុសរបស់គាត់ បានស្លាប់ទាំងអស់ ។

ចំណែកឯក្មេងស្រី Jana Amerអាយុ ១២ឆ្នាំ និយាយថា ពួកយើងបានចេញក្រៅ និងបានឃើញអំបែងគ្រាប់ធ្លាក់លើពួកយើង លើសំពត់តង់របស់ពួកយើង ។ នាងបានឃើញសំពត់តង់ជីដូនរបស់នាងធ្លាក់លើនាង ហើយជីដូនរបស់នាង មានរបួសត្រង់ក្បាល និងជើង ។ នាងបានឮសំឡេងមនុស្សស្រែករកម្តាយ រកឪពុកឲ្យជួយផង ដៃ និងជើងរបស់នាង បានរងរបួសផងដែរ ពួកយើងពិតជាភិតភ័យខ្លាំងណាស់ កាលពីយប់មិញ ។

សូមបញ្ជាក់ថា សង្រ្គាមអ៊ីស្រាអែលនៅតំបន់ហ្កាហ្សា បានសម្លាប់ជនប៉ាឡេស្ទីនជាង ៥៧.០០០នាក់ និងបានធ្វើដែនដីមួយនេះក្លាជាកម្ទេចកម្ទី ៕