នៅថ្ងៃពុធនេះ អាល់ហ្សេរី និងអ៊ុយរុយហ្គាយ បានចុះហត្ថលេខាលើកិច្ចព្រមព្រៀងសន្តិភាព និងកិច្ចសហប្រតិបត្តិការជាមួយអាស៊ាន នៅក្រៅជំនួបរដ្ឋមន្រ្តីការបរទេសអាស៊ានក្នុងទីក្រុងកូឡាឡាំពួ ប្រទេសម៉ាឡេស៊ី ។

នៅក្នុងសុន្ទរកថារបស់ពួកគេ រដ្ឋមន្រ្តីការបរទេសអាល់ហ្សេរីលោក Ahmed Attaf និងរដ្ឋមន្រ្តីការបរទេសអ៊ុយរុយហ្គាយលោក Mario Lubetkin បានជំរុញឲ្យមានការគោរពគ្នាទៅវិញទៅមកសម្រាប់កិច្ចសហប្រតិបត្តិការ និងអធិបតេយ្យភាព ក៏ដូចជាចៀសវាងពីការប្រើប្រាស់កម្លាំង ក្នុងការដោះស្រាយជម្លោះ ។

លោក Ahmed និយាយថា លោកប្រាកដខ្លាំងណាស់ថា ពួកយើងទាំងអស់គ្នានឹងអាចឯកភាពគ្នាថា ពិភពលោករបស់ពួកយើង ស្ថិតក្នុងតម្រូវការបន្ទាន់ សម្រាប់ការប្តេជ្ញាចិត្តថ្មីចំពោះគោលការណ៍ទាំងអស់នេះ ។

នៅក្នុងជំនួបរយៈពេល ៣ថ្ងៃនៅទីក្រុងកូឡាឡាំពួ នឹងមើលឃើញជំនួបរវាងអាស៊ាន និងប្រទេសដៃគូពាណិជ្ជកម្មសំខាន់ៗ រួមទាំងសហរដ្ឋអាមេរិក ចិន ជប៉ុន រុស្ស៊ី ឥណ្ឌា និងសហភាពអឺរ៉ុប ។

នៅលើរបៀបវារៈ គឺជាបញ្ហាពន្ធសហរដ្ឋអាមេរិក និងស្ថានភាពនៅតំបន់ហ្កាហ្សា ក៏ដូចជាបញ្ហាជម្លោះនៅមីយ៉ាន់ម៉ា ៕