តម្លៃប្រេងបានរអិលចុះនៅក្នុងថ្ងៃព្រហស្បតិ៍ (១០ កក្កដា) នេះ ខណៈដែលការប្រកាសសង្រ្គាមពន្ធចុងក្រោយបំផុតដោយលោកប្រធានាធិបតីអាមេរិក Donald Trump ត្រូវបានយល់ឃើញដោយអ្នកចូលរួមទីផ្សារថាជាការគំរាមកំហែងយ៉ាងធ្ងន់ធ្ងរដល់កំណើនសេដ្ឋកិច្ចពិភពលោក និងគ្របសង្កត់តម្រូវការសម្រាប់ធនធាន។

ភាគហ៊ុនប្រេងឆៅរបស់ Brent បានធ្លាក់ចុះ ២២សេន ឬ ០,៣១% នៅតម្លៃ ៦៩,៩៧ដុល្លារ ក្នុងមួយបារ៉ែលគិតត្រឹមម៉ោងសកល ០០:៥២នាទីឈានចូលថ្ងៃព្រហស្បតិ៍នេះ។ ប្រេងឆៅ WTI របស់អាមេរិក បានធ្លាក់ចុះ ២៧សេន ឬ ០,៣៩% មកនៅត្រឹម ៦៨,១១ដុល្លារក្នុងមួយបារ៉ែល។

ក្រៅពីរលកពន្ធពាណិជ្ជកម្មមិនច្បាស់លាស់ កំណត់ហេតុកិច្ចប្រជុំធណាគារកណ្ដាលអាមេរិក ដែលចេញផ្សាយកាលពីថ្ងៃពុធបានបង្ហាញថា អ្នកបង្កើតគោលនយោបាយនៅតែព្រួយបារម្ភអំពីសម្ពាធអតិផរណាពីពន្ធរបស់លោក Trump ដោយមានតែមន្ត្រី "ពីរបីនាក់ប៉ុណ្ណោះ" នៅឯកិច្ចប្រជុំថ្ងៃទី១៧-១៨ ខែមិថុនានោះ បាននិយាយថា ពួកគេគិតថាអត្រាការប្រាក់អាចត្រូវកាត់បន្ថយភ្លាមៗនៅខែនេះ។

គួរបញ្ជាក់ថា អត្រាការប្រាក់ខ្ពស់ខ្លាំងពេកអាចធ្វើឱ្យឥណទានកាន់តែមានតម្លៃថ្លៃ និងកាត់បន្ថយតម្រូវការប្រេង ដែលនាំឱ្យរង្គោះរង្គើយ៉ាងអាក្រក់ទៅដល់តម្លៃទីផ្សារ៕