ចិន៖ ប្រទេសចិនបានរិះគន់សហរដ្ឋអាមេរិកកាលពីថ្ងៃព្រហស្បតិ៍ ជុំវិញការគាំទ្ររបស់ខ្លួនចំពោះប្រទេសលីទុយអានីដែលជាសមាជិកសហភាពអឺរ៉ុប និងអង្គការណាតូ និងជាសម្ព័ន្ធមិត្តជិតស្និទ្ធរបស់សហរដ្ឋអាមេរិក ក្នុងការបង្កើនភាពតានតឹនជាមួយទីក្រុងប៉េកាំងជុំវិញទំនាក់ទំនងជាមួយកោះតៃវ៉ាន់។
អ្នកនាំពាក្យក្រសួងការបរទេសចិនលោក Wang Wenbin បាននិយាយថា ទីក្រុង Washington កំពុងប្រើរដ្ឋតំបន់បាល់ទិកឲ្យប្រើកោះតៃវ៉ាន់ដើម្បីប្រឆាំងជាមួយចិន។ លោក Wang បាននិយាយនៅក្នុងសន្និសីទសារព័ត៌មានប្រចាំថ្ងៃ សហរដ្ឋអាមេរិកបានការពារសកម្មភាពមិនត្រឹមត្រូវរបស់ប្រទេសលីទុយអានី នៃការបង្កើតគោលនយោបាយចិនមួយ-តៃវ៉ាន់មួយ និងបានប៉ុនប៉ងរួមកម្លាំងគ្នាជួយស្វែងរកការប្រកាសឯករាជ្យឲ្យកោះតៃវ៉ាន់។ ការអត្ថាធិប្បាយរបស់លោកមានឡើង បន្ទាប់ពីប្រមុខការទូតអាមេរិក និងអាល្លឺម៉ង់កាលពីថ្ងៃពុធបាននិយាយថា សម្ពាធរបស់ចិនប្រឆាំងនឹងលីទុយអានីគឺជារឿងខុសទំនង។
ប្រទេសលីទុយអានីបានបែកបាក់ទំនាក់ទំនងការទូតតាមទម្លាប់កាលពីឆ្នាំមុន ដោយសារតែការអនុញ្ញាតឲ្យមានការិយាល័យរបស់កោះតៃវ៉ាន់នៅក្នុងទីក្រុង Vilnius ក្រោមឈ្មោះកោះតៃវ៉ាន់ តែមិនមែនជាឈ្មោះទីក្រុងតៃប៉ិរបស់ចិន ដែលប្រទេសជាច្រើនបានប្រើជៀសវាងនាំឲ្យមានជម្លោះជាមួយក្រុងប៉េកាំង៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
