រុស្សី បានវាយប្រហារលើទីក្រុងនានានៅទូទាំងប្រទេសអ៊ុយក្រែនកាលពីពេលយប់ដោយប្រើប្រាស់យានដ្រូនរាប់រយគ្រឿង និងបានវាយប្រហារដោយមីស៊ីលទៅលើហេដ្ឋារចនាសម្ព័ន្ធថាមពល បណ្តាលឲ្យមនុស្សយ៉ាងហោចណាស់១៥នាក់រងរបួស នេះបើយោងតាមអាជ្ញាធរបាននិយាយកាលពីថ្ងៃពុធ ។

កងទ័ពអាកាសអ៊ុយក្រែនបាននិយាយថា រុស្ស៊ីបានបង្ហោះដ្រូន ចំនួន៤០០គ្រឿង និងបាញ់មីស៊ីលបាលីស្ទីកមួយគ្រាប់ ដោយផ្តោតសំខាន់ទៅលើទីក្រុង Kharkiv, Kryvyi Rih និងក្រុង Vinnytsia ជាទីក្រុងចំនួនបីនៅក្នុងផ្នែកផ្សេងៗគ្នារបស់អ៊ុយក្រែន។

រុស្ស៊ីបានបង្កើនការវាយលុកលើដែនដីក្នុងក្រុងនានានៅទូទាំងប្រទេសអ៊ុយក្រែនក្នុងរដូវក្តៅនេះ ដោយបានបង្ហោះយានដ្រូនជាច្រើនរយគ្រឿង រួមជាមួយមីស៊ីលបាលីស្ទីក។ 

ការវាយប្រហារនេះត្រូវបានលើកឡើងដោយប្រធានាធិបតីអាមេរិក Donald Trump ក្នុងសប្តាហ៍នេះថា ជាហេតុផលសម្រាប់ការសម្រេចចិត្តរបស់លោកក្នុងការអនុម័តអាវុធបន្ថែមទៀតទៅឲ្យអ៊ុយក្រែន រួមទាំងប្រព័ន្ធការពារដែនអាកាស។